Jump to content

صوفی تاج محمد گوپانگ

وکیپیڈیا توں

عنوان

موبائل فون ہر شئے کوں کھادی ویندے رجدا نئیں میں آپنڑیں پوترے ریحان خان کنوں پچھیم موبائل فون کیرہی کیرہی ایجاد کوں کھا گئے ہوں میکوں موبائل دے فائدے ڈسنڑ شروع کر ڈتن میں ہوکوں آکھیے میڈا بیٹا پہلے گال دی پتھاری بنڑائوں پچھیں لکھوں پوسٹ جیویں ایں دنیا تے وڈی مچھی چھوٹی مچھی کوں کھا تے اپنڑیں حیاتی اچھق کریندی ہے دروغ ور گردن راوی میں ہتھیں نئیں کھوائ بیٹھا آہدن وہیل مچھی 35 من گوشت روز کھمدی ہے او ریاض ملک دے لنگر ءچوں ویندے اوندا پوڑی ءچ انتظام تھی ویندے۔۔۔۔۔ایویں سائنس ہے صرف جاندار تے بے جان دا فرق ہے روز جہاڑی نوی ایجاد پرانی کوں کھا ویندی ہے سب کنوں وڈا خوش خوراک موبائل فون ہے۔۔۔۔۔ جیندے فائدے لکھ ہن ۔۔۔ تاں ہیں قتلام ڈھیر کیتن۔۔ اے خط کوں کھاگے چٹھی میری سیاں جی کے نام لکھ دے منشی بے روزگار لفافہ کینجھا ہوندا ہا گال بھل گئ ہے ڈاکیا گار تھی گئے منی آرڈر فارم ردی ءچ نئیں وکدے یار دا قاصد جابلیس تھی گئے کانگا کندھی تے ول نئیں آیا کاں دی تانگھ مکی مہمان فون کرتے آہدے امداں پیاں ریڈیو آنجہانی تھی گئے سرکاری فون جیرہا بلڈ پریشر دی مشین دی شکلاں ہوندا ہا پرویز مشرف وانگوں انڈر گرائونڈ تھی گئے۔۔۔۔ میڈی گال ادھوری ہے کوئی دوست ہیندے اتے مضمون لکھے صوفی تاج گوپانگ۔۔۔۔