صادق سنجراݨی

صادق سنجرانی پاکستانی سیاست دان تے چیئرمین سینیٹ ہن۔ صادق سنجرانی 14 اپریل 1978ء کوں بلوچستان دے ضلع چاغی دے علاقے نوک کنڈی وچ ڄمیے۔صادق سنجرانی نے ابتدائی تعلیم نوک کنڈی وچ حاصل کیتی تے ولا بلوچستان یونیورسٹی توں ایم اے کیتا۔انہاں دے پیو خان محمد آصف سنجرانی دا شمار علاقے دے قبائلی رہنماوئیں وچ تھیندے تے اوہ انہاں ݙینہاں ضلع کونسل چاغی دے رکن ہن۔میر صادق سنجرانی پنڄ بھراویں وچوں سب توں وݙے ہن تے انہاں دے ہک بھرا اعجاز سنجرانی نواب ثناء اللہ زہری دے دور حکومت وچ محکمہ ریونیو دے مشیر بݨیے۔

حکومت دی تبدیلی دے باوجود وزیر اعلیٰ عبدالقدوس بزنجو نے انہاں کوں ایں عہدے تے برقرار رکھیا۔میر صادق سنجرانی دے ہک بھرا محمد رازق سنجرانی سینڈک پروجیکٹ دے ایم ڈی رہے۔صادق سنجرانی 1998ء وچ سابق وزیر اعظم نواز شریف دے کوآرڈینیٹر رہے تے 2008ء وچ جݙاں یوسف رضا گیلانی وزیر اعظم پاکستان بݨیے تاں انہاں دی جانب توں قائم کیتے ڳئے شکایات سیل دا سربراہ میر صادق سنجرانی کوں بݨایا ڳیا تے اوہ 5 سال تک ایں سیل دے سربراہ رہے۔صادق سنجرانی نے 3 مارچ 2018ء کوں بلوچستان توں آزاد حیثیت نال بطور رکن ایوان بالا پاکستان تے امیر مجلس ایوان بالا پاکستان منتخب تھئے۔