شیخ احمد یاسین

وکیپیڈیا توں

احمد یاسین (پیدائش:1938ء، انتقال:22 مارچ 2004ء) فلسطین دی مزاحمتی تحریک حماس دے بانی تے روحانی پیشوا ہن۔ انہاں نے 1987ء وچ عبدالعزیز الرنتیسی دے نال مل کے حماس تشکیل ݙتی۔

ابتدائی زندگی[لکھو | ماخذ وچ تبدیلی کرو]

شیخ احمد یاسین 1938ء وچ پیدا تھئے۔ اُس وقت فلسطین برطانیہ دی حکمرانی وچ ہئی اوں وقت توں ہی انہاں دے تمام نظریات تے تصورات اوں توہین و حزیمت تے استوار تھیوݨ لگے جیں دا فلسطینیاں کوں شکست دے بعد سامݨا ہئی۔

بچپن وچ ہک حادثے دے نتیجے وچ اوہ چلݨ پھرݨ توں معذور تھی گئے ہن جس دے بعد انہاں نے اپݨی زندگی اسلامی تعلیمات کیتے وقف کر ݙتی ہئی۔

انہاں نے مصر دے دار الحکومت قاہرہ وچ تعلیم حاصل کیتی۔ قاہرہ اوں وقت ’اخوان المسلمون‘ دا مرکز ہئی۔ ایہ دنیائے عرب دی پہلی اسلامی سیاسی تحریک ہئی۔

اتھاں انہاں دا ایہ عقیدہ راسخ تھیندا چلا گیا کہ فلسطین اسلامی سرزمین ہے تے کہیں وی عرب رہنما کوں ایہ حق حاصل نی کہ اوہ ایں دے کہیں وی حصے توں دستبردار تھیوے۔

اگرچہ فلسطینی انتظامیہ سمیت عرب رہنماواں نال انہاں دے تعلقات استوار رہے تاہم انہاں دا ایہ راسخ عقیدہ ہئی کہ "نام نہاد امن دا رستہ امن نی تے نہ ہی امن جہاد تے مزاحمت دا متبادل تھی سڳدا ہے "۔

شہادت[لکھو | ماخذ وچ تبدیلی کرو]

شیخ، ستمبر 2003ء وچ ہک قاتلانہ حملے وچ زخمی تھئے۔ تاہم 22 مارچ 2004ء کوں اسرائیل دے ہک گن شپ ہیلی کاپٹر دے میزائل حملے وچ جاں بحق تھی گئے۔ اس وقت آپ نماز فجر دی ادائیگی کیتے ویندے پئے ہن۔ حملے وچ انہاں دے ݙوہاں محافظین سمیت 10 دیگر افراد وی جاں بحق تے شیخ یاسین دے ݙو صاحبزادیاں سمیت 12 توں زائد افراد زخمی تھئے۔

حوالے[لکھو | ماخذ وچ تبدیلی کرو]