شہباز منظر

اصل ناں       شہباز علی

قلمی ناں       شہباز منظرؔ

جٖمنْ           1994ء

تعلیم           گریجوایشن

پیشہ            ذاتی کاروبار

فون نمبر        0308 7180956

جاہ پتہ         صادق آباد ضلع رحیم یار خان

اُبھردے ہوئے نوجوان شاعر شہباز علی منظرؔ 5اپریل1994ء کوں صادق آباددی ہک نواحی وستی وچ پیدا تھئے، ابتدائی تعلیم اپنْی وستی توں حاصل کیتی۔شعر و شاعری دا شوق بچپن توں ہا پیا ۔ آپ اردو،پنجابی تے سرائیکی دے سہ زبان شاعر ہن ، سرائیکی شاعری دیاں تمام مروجہ اصناف لکھدن۔

’’پھُل کلیاں ‘‘ یعنی بٖالیں واسطے خصوصی ادب تخلیق کریندن۔ آپ دے کئی اردو ، سرائیکی شعری مجموعے وی چھپ چکے ہن ۔جتھوں تک منظرؔ صاحب دی غزل دا تعلق ہے تاں خوبصورت غزل لکھدن۔ نمونہ کلام۔

غزل

ہاں دے ٹھارے پار دے پکھی

اکھ دے تارے پار دے پکھی

ڈھولنْ پار اے تہوں تاں میکوں

لگٖدن پیارے پار دے پکھی

آن جو پتہ ڈھول دا ڈٖیندن

کون وسارے پار دے پکھی

مور ، چکوراں ، گھوگھیاں ، گٖیرے

اے ہن سارے پار دے پکھی

وچ گستان دے ڈٖس ہاں منظرؔ

کَیں ہن مارے پار دے پکھی