شبیر طاہر حمایتی
شبیر طاہر حمایتی سرائیکی دا انقلابی شاعر ھے
اصل ناں غلام شبیر
قلمی ناں طاہرؔ
جٖمنْ 1969ء
تعلیم میٹرک
پیشہ محنت مزدوری
فون نمبر 0301 3940433
جاہ پتہ موضع محمود گٖڑھ ، ڈاکخانہ سردار گٖڑھ تحصیل و ضلع رحیم یار خان
نمونہ کلام
[لکھو | ماخذ وچ تبدیلی کرو]رب سوھنے تے ڈھیل موہانڑاں
اج تاں بیڑی ٹھیل موہانڑاں
چھولیں دی منہ زوری ڈٹھی
بزدلی کمزوری ڈٹھی
موت دے ڈر کوں مارنڑ چاہندوں
اپنی میں کوں تارنڑ چاہندوں
تھی ساڈا بانہہ بیل موہانڑاں
سندھ جہلم نایاب نہ سکے
راوی نال چناب نہ سکے
ستلج ہنڑ تاوان نہ بھرے
تتی تپدی ریت تاں ٹھرے
کرنڑے ہںن گل میل موہانڑاں
روحیں وچ اکرس ڈھگ ساری
روھی دے وچ تس ڈھگ ساری
پیر اساڈے چھالے چھالے
اساں لوگ ہیں اللہ والے
جسم بنڑیے ہںن جیل موہانڑاں
دلبر طاھر ڈھول کھڑائے ہںن
توبہ دے در کھول کھڑائے
گھلی خوف دی لال اندھاری
جل کرنی ھے توبہ زاری
موقع مل گئے ہیل موہانڑاں
رب سوھنے تے ڈھیل موہانڑاں
اج تاں بیڑی ٹھیل موہانڑاں
( Sain Shabbir Tahir hemayti)