Jump to content

سیّدہ آمنہ بنتِ وہب سلام اللہ علیہا

وکیپیڈیا توں

سیدہ آمنہ بنت وہب سلام اللہ علیہا (پیدائش: 557ء– وفات: 577ء) محمد صلی اللہ علیہ و آلہ وسلم دی اماں سیݨ ہن تے آپؐ دے اہلبیت وچ ہک وݙا مقام رکھدن.

حیات طیبہ[لکھو | ماخذ وچ تبدیلی کرو]

آپ دے والد دا ناں وہب بن عبد مناف ہئی۔ آپ دا تعلق قبیلہ بنو زہرہ نال ہئی جیہڑا قریش ہی دا ہک ذیلی قبیلہ ہئی۔ آپ دا سلسلہ نسب حضورؐ دے جدِ امجد عبد مناف بن قصی نال ملدا ہے۔ محمدؐ دے والد عبد اللہ بن عبد المطلب شادی دے کجھ عرصہ بعد حضورؐ دی پیدائش توں تقریباً چھی مہینے پہلے وفات پا گئے۔ اس دے بعد آپؐ سیدہ آمنہؑ دے زیرِ پرورش ریہے۔ سیدہ آمنہؑ مکہ تے یثرب (مدینہ) دے درمیان ہک سفر دے دوران ابواء دے مقام تے وفات پا گئیاں۔ ایہ 577ء ہئی تے سیدہ آمنہؑ حضورؐ کوں یثرب (مدینہ) گھن کے ویندے پئے ہن تاکہ اوہ اپݨے مامے کوں ملن تے اپݨے والد سیدنا عبد اللہ بن عبد المطلب علیہ السلام دی قبر دی زیارت وی کرن۔

آپؑ اپݨے قبیلہ وچ سیرت النساء دے ناں نال مشہور ہن۔[١] آخری حج دے دوران آنحضرتؐ نے انہاں دی قبر مبارک دی زیارت کیتی تے انہاں کوں یاد کر کے رُنّے۔ ایہ جگہ ہک پتھریلا علاقہ ہے جیہڑا ہک پہاڑی دا ہموار حصہ ہے۔

حوالے[لکھو | ماخذ وچ تبدیلی کرو]

  1. البدایۃ والنہایۃ از ابن کثیر جلد دوم۔ اردو ترجمہ شائع کردہ از نفیس اکیڈمی کراچی۔ صفحہ 156