سکھر بیراج دی حکایت
حکایت
سکھر بیراج تے
ہک شہر توں ڈوجھے تئیں پُجنڑ دا ویلا الہامی کوئی ویلا ہوندے
روہڑی دے ازل توں سکھر دے ابد تئیں اوہ پُجیا ' اسمان دریا تے شہر ہک ڈوجھے وچ گچ ہَن ' بیڑیاں جیڑھیاں ہنالے وچ گھبنڑ تھیاں سیالے وچ بچے پیاں جنڑدیاں ہَن 'اگوں ایں جہان دے نقشے وچ بیراج ہے ' بیراج دے موڑ تیں عجائب گھر دے سامنڑے اوہ رُکیا تے ہوکا ڈِتس ' میں بُلہنڑ کوں اکھیں ڈیونڑ آیا ہاں اوں بیا وی زور دا ہوکا ڈتا "میں سندھ دریا دی بُلہنڑ کوں اکھیں اپنڑیاں ڈیون کیتے آیا ہاں " اوندے چار چفیروں لوک کٹھے تھی گئے جیندے وچ بیراج دے پہرے دار وی شامل ہَن
اساں اونکوں نیڑے تھی کر ڈِٹھا ' اوندیاں آنکھیں وچ الہام ہئی
بُلہنڑ : سندھ دریا دی اندھی ڈولفن (رفعت عباس)