سچائی دی اہمیت

سگمنڈ فرائڈ آہدے "جیہرلے میں آپنڑیں بالاں کوں پریاں دے قصے کہانڑیاں سنڑویندا ہم تاں او میں توں پچھدے ہن "ابو اے کہانڑی سچی ہے؟" تے جیہرلے میں انھاں کوں اے ڈسیندا ہم جو اے سچی کینی تاں انھاں دے چہرے تیں انڑ بھاندے جذبات نشابر تھیندے ہن، انھاں کوں ایویں محسوس تھیندا ہا جو انھیں نال ناانصافی کیتی گئی اے، مذہبی لوکاں دا بالاں توں کم ودھیا لاتھا ہوندے کیونکہ عقائد دیاں پریاں دیاں کہانڑیاں تیں تقدس دا ملمع چڑھیا لاتھا ہوندے۔ ایں سانگے مدتاں توں عقائد کوں انسانی فکر تے تجربے دی ترکڑی اچ تولنڑ دی اجازت نئیں ڈتی گئی، عقائد دی نفسیاتی وجوہات گولنڑ نکلوں تاں پتہ لگدے جو انسان کوں تحفظ دی لوڑھ ہوندی ہے جیہرا اوکوں خدا دا تصور دان کریندے اینکوں مختلف خطرات دے خوف توں بچیندے، چنگائی تے برائی دا ہک پیمانہ وی ڈیندے اتے زندگی دی ناانصافیاں دا مرنڑ دے بعد ازالہ وی کریندے۔ کائنات دی ابتداء بُت تے روح دے رشتے اتے زندگی دے بئے مشکلیں دا حل وی ڈیندے، ایندے نال انسان کوں بہوں سارے سوالیں دے بنڑیے بنڑائے جواب وی مل ویندن(جیندے واسطے انھاں کوں محنت، ریسرچ اتے سر کھپائی نئیں کرنڑی پوندی) ایں سانگے لوک مذہب اچ گوشہ عافیت اتے سکون محسوس کریندن۔مظہر حسین