سپاہی (فکشن)

فکشن سپاهی (تلخیص) لکھت: منصور شانی

میں جڈاں کہیں مجرم دے پچھو بھجدا ودا ہوواں آپ کوں نکا بال محسوس کرینداں ت سچینداں جو اگو بھجنڑ آلا ہونڑیں تھک ت آکھسی بس یار خالد تھک گیاں ہنڑ بس.پر اچانک میڈی دید بت تےماس آلی کار چنبڑی وردی ت چیل اچ بدھے ذمے واری دےبیلٹ تے ویندی هے. چور تےسپاہی دی زندگی ملدی جلدی ہےفرق ہےصرف بیرک دے _اڈو اڈو دا.چور جرم دی سزا کٹیندے ت سپاہی غربت دی.عید،بکرید، شبرات،جمعہ,چھنڑ چھنڑ، ت اتوار وی سونوار آلی کار. پہلا قیدی بےتوں پچھدے حال بھرا کتنی بھوگی ودیں؟ ڈوجھا اتنی پہلا بس مک گئء کہ. ڈوجھا.ہا یار سوچی بیٹھاں ہنڑ ونج کے ہٹھی کھلینداں بس. ایہو حال سپاهی دا ہے.ہک سپاہی بےتوں پچھدےکتنی سروس رہ گئ اےلالہ. بس آخری مہینہ ہے ارادہ ہے گھر ونج تے ہٹی بنڑینداں. بہوں پردیس کٹیۓہنڑ بالیں نال کجھ ڈینہہ گزرینداں. ڈینہہ کوں ہٹی کھولی سنجھ کوں شٹر سٹیا تے راتیں گھر. کڈاہیں کڈاہیں میں رو پونداں.جیہرلے چور کوں چور تےساکوں سپاہی آکھ تےطعنہ ڈتا ویندے.میں ڈساونڑ چاہنداں جو اگر اساں ہک چور کوں پکڑ تےپورے معاشرے کوں چور سمجھوں تاں ول??قبراں ت لگےجھنڈے ساڈی عظمت ت دلیری دے گواہ ہن.پالے، سیکر، پوہ، پنڑیال، ساونڑ دا مینہ ت ولا اک، مئ دی بھا تے کچہری دے کچےکھاڑےساڈے کالے والیں کوں چٹا تھیندا ڈیکھ چکن. پر میں اےسب کچھ نئ آکھ سگدا. میں اج ریٹائر تھیندا پیاں.میں هنڑ رج کے سمنڑ لو گھر ویساں.منشی دے فون دا ڈر وی کائنا ہوسی.ت سویرےحاضری دے خوف توں رات دی بےآرام نندر توں وی جان چھٹی. اپنڑےپتر کوں اپنڑیں اکھیں نال وڈا تھیندا بنبوٹے کھاندا ڈیکھساں،او کھڑنڑ سکھسی میں شۓ ولیہساں،انگل نپ ت ٹرنڑ سکھیساں.مونڈھےت چا کےہٹی تےنیساں.قیدی وی ایہو سوچیندا بیٹھے اے اج رہا تھیونڑے. خالد خاں آ یار آپنڑی چھیکڑی ریڈ تےونج.منشی دی گال سنڑ ت میں چپ کر ت ٹر پیاں. آج سپاہی خالد خان کو پورےسرکاری اعزاز کےساتھ سپرد خاک کر دیا گیا.یاد رہےسپاہی خالد خان گزشتہ روز دہشتگردوں سےفائرنگ کےتبادلہ میں شہید ہوا تھا. خبر ہےاسی تھانےسے مشہور ڈاکو بگو ملک سزا کاٹ کر رہا ہو گیا ہے.(رائٹر، منصور شانی)