سَرائیکی شاعری
سرائیکی شاعری
پسند خان بہادر
Dimple'[لکھو | ماخذ وچ تبدیلی کرو]
'کھلدیں
'توں
'جݙاں
'تیݙے کنول جھیائیں چہرے تے
'ݙو پُھل بݨ کھڑدن
'ایہے 'پھل 'کم ݙیندن
'ہک 'مسیحے دا 'میکوں ۔
('بلال)
تیکوں ملنڑ دی سک ہئی مدتیں دی توں مل پائیں میکوں ساہ مل پئے
ہانویں نکھڑیا تاں راہ بھل گۓ ہن توں ول آئیں میکوں راہ مل پئے
بے چین کوں حاصل چین تھیا اینویں لگدے پیت پناہ مل پئے
ہاسے رول فقیر منور چن اج منگتے کوں ہک شاہ مل پئے.
منور بشیر
'سائیں رنج تھی مال نکھیڑ چھوڑیے ہاۓ دھاڑ نکھڑدے ویندوں' '
ساڈو بھال کہیں نئیں حال پچھا کیوں روندے رڑدے ویندوں' '
کہیں اجڑیے آکھیے اجڑ ونجیں اوندی آکھ اجڑدے ویندوں'
'ڈینہہ نبڑن طارق__ _ناں نبڑن اساں آپ نبڑدے ویندوں'
ناز نبھانونڑ رِیت پُرانڑی
مُندرے پانونڑ رِیت پُرانڑی _
گلیاں نال گلانویں روح دے
ونجڑ آنونڑ رِیت پُرانڑی _
سُولی ساڈی ماء دا پینگھا
جُھوٹے کھانونڑ رِیت پُرانڑی _
جَلدے تھل وچ بلدے کربل
دُر دفنانونڑ رِیت پُرانڑی _
دُھردے وَین وکھوہے ایویں
رُونونڑ گانونڑ رِیت پُرانڑی _
طارق مُنہ توں مِٹھیاں لُرکاں
اکھیاں سانونڑ رِیت پُرانڑی _
Sain Aziz Shaidh
نِکھڑیے ہاسے وقت ویاروں من دریا تیں
آ ہک بئے کوں ہکلاں ماروں من دریا تیں
نیناں نیت کے ڈیکھوں خاب ابھردے سجھ دے
وَل ہک واری شام گزاروں من دریا تیں
روندیں روندیں رَل کے ڈیکھوں لُڑھدیاں سالھیں
ول ہک واری جھوک اُساروں من دریا تیں
ڈیکھ تاں ونج جو لئی دے بُور کُمانے تھی گن
آ ہک بئے کوں چھمکاں ماروں من دریا تیں
خاب تاں ڈیکھوں خاب متاں سُدھ پار دی ڈیوے
آ کاغذ دیاں بیڑیاں تاروں من دریا تیں
تریہہ اندر دی جینویں تھل اِچ اہڑ ڈوپہرا
چُنی چولا پاند جھباروں من دریا تیں
کئی مُندری کئی ونگ متاں کئی پُھل سرمی دا
پنے پلکیں نال بوہاروں من دریا تیں
اپنے اپنے مال دے چنکے آپ سُنجانوں
جنگل چھوڑ مِہاگاں چاروں من دریا تیں
اپنے اپنے سِجھ دے سیک اِچ سڑدے پئے ہیں
توں پاروں تے مَیں اُرواروں من دریا تیں
کئی پل شاہدؔ شیت وَلا مل پووے ساکوں
اپنی واروں تن تے ماروں من دریا تیں
ع ش
سائیں ریاض قیصر قیصراݨی
میڈا گھر مسائل دا مکتب
میڈے گھر جڳراتے نچدن
پتر میڈے سکلیں پڑھیل
تیڈا کیا ہے؟
تیڈا گھر تاں سوجھل سوجھل
تیڈے اپ ٹو ڈیٹ سکندر
محل نما ہک کوٹھی اندر
ٹیبل ٹینس کرکٹ کھیڈن
میڈے تاجا، تڳا، گلا
تتی ریت دے ٹٻے اتے
کر تے بند بندوڑے جوڑن
مٹی دے وچ مٹی تھیون
ہکا آس ہے بارش تھیسی
سینگیاں دے سنگ سانوݨ دھانسوں
شام گزر ڳئی
مینہ نہ آیا
منہ تے کالے ٹکے لا کے
لیر کتیراں چولے پا کے
در در ونڄن بکھ دے ماریے
اکھیں نوٹ کے آکھن سارے
کالی بکری کالا شینہہ
گھتو دانڑیں وسے مینہہ
حاتم بلوچ :-[لکھو | ماخذ وچ تبدیلی کرو]
جیونڑ جوگا ول نئیں ولیا جیونڑ جوگے ول نئیں ولیے ۔
تیڈے ہوندیں ان چگدے ہن گیرے طوطے ول نئیں ولیے ۔
دوکھا جیرھی جاہ توں ٹردے ولدا پھردا آتھ ول ولدے۔
کوئی ہک ڈسو جیندو اوندے ڈتے دوکھے ول نئیں ولیے۔
ساڈے گھر دا رستہ بدھ ڈیو گودیں کوں ونج آکھیا ہاسے۔
کھٹڑے جوڑنڑ توں جی چھٹے ساڈو گودے ول نئیں ولیے۔
سال پسالی کھل کھلواونڑ میلے دے ڈینہہ آ ویندے ہن۔
کتواں سالء سرکس آلے شہر ءچ شودے ول نئیں ولیے ۔
تئیں وی حاتم ول نئیں ولنڑاں گالہیاں دیداں راہ تیں رلسن۔
اگیں تھولیں وعدے کیتن اگیں تھولے ول نئیں ولیے ۔
☃☃
جیونڑ جوگا ول نئیں ولیا جیونڑ جوگے ول نئیں ولیے ۔
تیڈے ہوندیں ان چگدے ہن گیرے طوطے ول نئیں ولیے ۔
دوکھا جیرھی جاہ توں ٹردے ولدا پھردا آتھ ول ولدے۔
کوئی ہک ڈسو جیندو اوندے ڈتے دوکھے ول نئیں ولیے۔
ساڈے گھر دا رستہ بدھ ڈیو گودیں کوں ونج آکھیا ہاسے۔
کھٹڑے جوڑنڑ توں جی چھٹے ساڈو گودے ول نئیں ولیے۔
سال پسالی کھل کھلواونڑ میلے دے ڈینہہ آ ویندے ہن۔
کتواں سالء سرکس آلے شہر ءچ شودے ول نئیں ولیے ۔
تئیں وی حاتم ول نئیں ولنڑاں گالہیاں دیداں راہ تیں رلسن۔
اگیں تھولیں وعدے کیتن اگیں تھولے ول نئیں ولیے ۔
حاتم بلوچ
عاصم[لکھو | ماخذ وچ تبدیلی کرو]
رتا بوچھنڑ رتیاں ونگاں کیویں منگاں
تیڈے در توں تیکوں منگاں کیویں منگاں
تیکوں منگاں یا ناں منگاں
میں تا اپنڑے آپ توں تنگاں کیویں منگاں
کوئ شے منگاں کتھوں منگاں
ہتھ کو کیرھے رنگ ءچ رنگاں کیویں منگاں
پی کے سانول روز سوچینداں
بھرئیے شہر اچ کتھاں دنگاں کیویں منگاں
میں ہاں تسی تھل دی واسی اللہ راسی
پانی ڈیسن کتھاں گنگاں کیویں منگاں
عاصم پچھدن روز پیالے بھنگاں والے
کتھوں ملسن کوٹ دیاں بھنگاں کیویں منگاں
اصغر گورمانی[لکھو | ماخذ وچ تبدیلی کرو]
ویلھی تھی ݙسا گِھن
ڈکھڑے سݨا گِھن
پیریں اتے ہتھ رکھ
یار کوں منا گِھن
دل ݙے حکیم کوں
دل دی دوا گِھن
کنو بُٹی آکھسی
بوچھݨ اتے پا گِھن
گھمی گھمی رات ہے
رات کوں روا گِھن
سک ساگی سانبھ رکھ
مونجھ گھݨیں چاگِھن
مندری تاں منگی وی
خواب وی ولا گِھن
کلھی ہاں وئے ڈھولݨاں
قسماں چوا گِھن
در اتے چوگ سٹ
پکھیں دی دعا گِھن
ویندا پئے وی اصغر
مل پو الا گِھن
اصغر گورمانی