سوہݨیاں تریمتیں

سوہݨیاں تریمتیں .

سوہݨیاں تریمتیں کوں ݙیکھݨ ہر موسم وچ چنڳا لڳدے، انہاں نکے پھلیں والے پوہ ماہ دے کپڑے پاتے ہوون : یا دھاریاں والے ڄیٹھ ہاڑ دے، او ہر موسم چنڳیاں لڳدن. .

سوہنڑیاں تریمتیں انہاں دی خوشبو دے نال ڈیکھنڑ ، شہر دی سبھ توں سوہنڑی گالھ ہے،موسم دی کوئی ٹور ہووے یا شہر بزار دی بھیڑ ،انہاں دا ہوونڑ چیتر اے.

اکھیں دھپ وچ چھاں کوں ونڑن،بہوں پرانڑے گھاٹے باغیں دی یاد آندی، یا کوئی پل ہے، جتھاں کھڑ تے وہندے پانڑے کوں پئے ڈیکھو، یا کوئی بدلی،بلدے بکھدے موسمیں دے وچ مدتاں پچھوں آوے. .

سوہنڑیاں تریمتیں کلہیاں ہوون، یا انہاں دے رلے کوئی چاہونڑ والا ، اوہ شہر اچ آندے ویندے ساڈے سویں لوکیں کوں وی ڈیدھیاں رہندیاں، ایہہ انہاں دا ہک سونڑہپ تے سانگیاں دے ہک وڈے گھیر دی گالھ اے. .

رفعت عباس سئیں

"بھوندی بھوئیں تے" وچوں

March 2, 2016 at 11:14 PM