سون سکیسر وادی
وادی سون سکیسر پاکستان دی قدیم تے خوبصورت وادی ہے جیہڑی قدرتی مناظر دی وجہ توں دنیا بھر اچ شہرت رکھدی ہے۔ نوشہرہ ایں وادی دا صدر مقام ہے تے ضلع خوشاب دی ذیلی تحصیل ہے۔ سکیسر پہاڑ دی چوٹی تے واقع ہک صحت افزاء مقام دا ناں ہے۔ ایہ ہک وسیع پہاڑی سلسلے دا عنوان ہے جیندے اچ کئی وادیاں تے چھوٹے وݙے گراں ہن۔ ایں علاقے کوں "وادی سون سکیسر'" آکھا ویندے۔
عظیم مسلمان فاتح ظہیرالدین بابر دا پوٹھوہار دے علاقے توں گزر تھیا ہئی۔ رستے اچ ہک وادی ہئی جیندے حسن نے بادشاہ سلامت کوں اپݨی طرف متوجہ کیتا۔ اپݨے لشکر دے نال اتھاں پڑائو سٹا۔ قدرتی حسن تاں ایں وادی دا ہئی ہی، بابر نے وی ایں وادی دے حسن اچ اضافہ کرݨ اچ اپݨا حصہ پاتا۔ باغات رہاوݨ دا حکم جاری کیتا تے ایں وادی دے بارے اچ تاریخی کلمات ادا کیتے۔ جیہڑے ایں علاقے دے لوگاں کیتے اڄ وی باعث فخر ہن۔ ظہیرالدین بابر نے آکھا کہ: اے وادی چھوٹا کشمیر ہے۔
ایں بادشاہ دی چند نشانیاں اڄ وی ایں وادی اچ موجود ہن۔ ایں وادی دا نام سون سیکسر ہے۔" [١]