سوجھل دھرتی واس تنظیم دا سجھ

مرشد عبد الطیف بھٹی دا ہک قول ہے جو " ہت ہت ایمان آلی گال ہے جو بندہ وڈا بئی مان ہے" ہنڑ ایمان دی ذری تاں رہے نہیں گئی پر سجھ نکلدا تاں سب کوں نظردے۔ مرشد سچی گال ہے ایں ویلے سوجھل دھرتی واس تنظیم دا سجھ پورے وسیب واسطے پوہ ماہ اچ او دھپ ہے جیہڑی سکون ڈیندی ہے، دمان دی کہیں قہر دی دھپ اچ چھاں آلا ونڑ ہے، روہی دا ٹوبہ تار متار ہے، روہ تو آندی کہیں نئیں دا بن ہے ۔۔ ملتان سارا پرہلاد دی سچائی ، شمس دی جرآت چاکے گیا ہا اساں سارے اپنڑے حصے دا وزن (تہاڈی نظر اچ کے ہووئے تاں) اساں سوجھل دھرتی واس دے حصے پا آئے ہیں۔ ایں ویلے وسیب دی نمائندہ تنظیم ہے جتھاں وسوں دا ہر ہک کوں جاء ملدی ہے۔۔ مرشد عزیز شاہد، رانا محبوب اختر، ظہور دھریجہ دے پہلی جھمر توں گھن کے فرید دی کافی تئیں او کانفرنس حق بہاوالحق صرف اور صرف سرائیکی ہئی ۔۔۔۔

محمود خاں، ذات مہے قوم سرائیکی