سمرہ خان

سمرہ خان (انگریزی: Samra Khan) دبئی وِچ رہوݨ آلی، پاکستانی ڳائیکہ ہِن۔ اوہ حقیقی شو میوزک گیراج دی فاتح اَتے کوک اسٹوڈیو (پاکستانی سیزن 8) دے ڳاݨے "حنا کی خوشبو" دی ڳائیکہ ہِن۔

حیاتی دا احوال

سمرہ خان نے انسٹی ٹیوٹ آف بزنس مینجمنٹ توں ایم بی اے دی ڈگری حاصل کیتی۔ پیشہ دے لحاظ نال بینکر ہِن۔ کوک اسٹوڈیو وِچ ڳاوݨ دا موقع مِلّݨ تے سمرہ خان نے ڳاݨے کوں اپنا پیشہ بݨایا۔ اُنّھاں نے عاصم اظہر دے نال کوک سٹوڈیو (پاکستان سیزن ٨) وِچ ہِک نغمہ "حنا کی خوشبو" کوں اپݨی اَواز ݙِتّی جین٘دی وجہ توں سمرہ خان نے موسیقی کِیتے خود کوں وقف کر چھوڑیا۔

سمرہ خان نے 6 ورھیاں دی عمر توں ای نغمے ڳاندی پئی ہِن۔ "حنا کی خوشبو" دے اجراء دے بعد، خان نے "پلے بیک لاؤنج" دی ساجھے داری نال ہک ساتھ ڳاݨے "بول" اَتے "تیری صحبت" جاری کِیتا۔ جیکوں سُݨݨ آلیاں نے ٻوں پسند کِیتا۔

اِنّھاں نے انجو انج پاکستانی ڈرامیاں کِیتے نغمے ڳائے۔ سمرہ خان دے مہان٘درے نغمے "یہ رہا دِل" اَتے "گلا" ہِن۔ خان نے ہِک ریلٹی شو "میوزک گیراج" وِچ مقابلہ کِیتا، اَتے 2018ء دا بہترین ڳائیکہ دا ایوارڈ جِتّیا۔

ڈسکوگرافی

سال	ڳاݨا	سنڳتی ڳائیک	حواشی
2015ء	حنا کی خوشبو	عاصم اظہر	کوک اسٹوڈیو (پاکستانی سیزن 8)
2016ء	تیری صحبت	عاطف علی	پلے بیک لاؤنج
2016ء	بول	عاطف علی	پلے بیک لاؤنج
2016ء	گلا (OST)	عاطف علی	ایم ڈی پروڈکشن
2017ء	یہ رہا دل (OST)	عاطف علی	ایم ڈی پروڈکشن
2018ء	میں ہار گئی		میوزک گیراج
2020ء	تیرا اب کوئی نہیں(OST)		ایم ڈی پروڈکشن