سلیم سرمد

اصل ناں      سلیم اللہ

قلمی ناں       سلیم سرمدؔ  

جمن            1991ء 

تعلیم           مڈل

پیشہ            مدرس

فون نمبر         6209296 0332

جاہ پتہ        چوٹی زیرین، ڈی جی خان

سلیم اللہ سرمد ؔؔیکم مئی 1991ء کوں صادق حسین رمدانی بلوچ دے گھر چوٹی زیرین، وچ پیدا تھئے۔2008ء توں شاعری دا آغاز کیتا ،فرید ساجد لغاری دے ناں آلے شاگرد ہن ۔شاعری دے نال نال نثر وی لکھدن ۔سرائیکی تے اردو ڈوہائیں زباناں دے شاعر تے نثر نگار ہن ۔نمونہ کلام پیش خدمت ہے۔

غزل

نہ کئی افسوس کیتا کر ،نہ کئی ارمان کیتا کر

میکوں برباد کر بے شک ،میڈا نقصان کیتا کر

ڈیوا ڈے یاد میکوں جے تیڈی حسرت کئی رہ گئی ہے

ضرورت کئی جے پووے تاں میڈو فرمان کیتا کر

میڈے چٹکے نہ کھس میں توں، میڈی عادت وگڑ ویسی

میڈے سر تے میڈا سانول نہ سائے بان کیتا کر

زمانہ ہے تماشائی ،میکوں ساڑیا اُجاڑیا کر

تماشائی زمانے  کوں  تعجب دان  کیتا  کر

میکوں ول ول نہ آکھیا کر جو میں تیکوں وسر گیا ہاں

میڈا ایمان نئیں بدلیا،نہ توں بئیمان کیتا کر

میں سرمد ریت دی کندھ آںجے ڈھہساں تاں زمیں ہے پئی

میڈا چِنتا نہ کیتا کر ،توں اپناں دھیان کیتا کر