سلیم خان نیازی
سلیم خان نیازی بانی ایس کیو ایم سرائیکی زبان دا شاعر ہے۔
ڄم پل
[لکھو | ماخذ وچ تبدیلی کرو]احمد پور شرقیہ نال تعلق ہے
کتاباں
[لکھو | ماخذ وچ تبدیلی کرو]نمونہ کلام
[لکھو | ماخذ وچ تبدیلی کرو]ݙوں شعر
[لکھو | ماخذ وچ تبدیلی کرو]بکھے ٻالاں کوں نندر نی آندی
کجھ وی تھیوے میں اڄ سماوݨاں ہے
زہر جوگے کما تے پیسے سلیم
اڄ میں ٻالاں کوں چپ کراوݨاں ہے
غزل
[لکھو | ماخذ وچ تبدیلی کرو]میں تعلق دا حق ادا کیتم
آپ کوں آپ میں سوآ کیتم
ݙیوݨاں ھا خراج خشیاں دا
خود کوں بالاں کیتے فنا کیتم
اپݨے جیھڑے وی چھوڑ ڳن میکوں
انھاں کیتے وی میں دعا کیتم
ݙوہ تھپ تے سزا سݨائی منصف
بھانویں رو رو تے مدعا کیتم
میݙا اندر تے ٻاھر ھک ھے سلیم
گند سارا میں خود صفا کیتم
شاعر *** محمد سلیم خان نیازی
غزل
[لکھو | ماخذ وچ تبدیلی کرو]ازل دی بکھ تے سارے کال میݙے
تے ھن آساں امیداں نال میݙے
جیھڑے خشیاں دی ڳول اچ رول بیٹھاں
میݙے ٻچڑے * نی لبھدے لال میݙے
جگاریاں * خون بھر ݙتے اکھیں وچ
میں مکساں * مکدے نی جنجال میݙے
میݙیاں منتاں مراداں * سب ادھوریاں
نی بدلے * ھن پراݨے حال میݙے
میݙے ٻالو * جیویں جو میں سمبھالن
گھناۓ * ݙکھ * سبھے سمبھال میݙے
سلیماں * کیوں نی مکدے ݙکھ اساݙے
میݙے توں روز پچھدن بال میݙے
غزل
[لکھو | ماخذ وچ تبدیلی کرو]چپ ریھہ ویندے شہر * نظردا سب کوں ھے
شھھر تے وسدا قہر * نظردا سب کوں ھے
اے ٻئی ڳال اے اندھے بݨ تے ریھہ ویندوں
لحظہ * بھانویں پہر * نظردا سب کوں ھے
تھوݙاں اتے جندرے چپ دے ازلاں توں
بھیݙاں کھا ڳن نہر * نظردا سب کوں ھے
کیندا کیندا نانواں گھن تے ڳال کروں
خان ھے*بھانویں مہر* نظردا سب کوں ھے
ماری رکھدن ڳوٹھ * الیندے جاݨ تے نی
دل دے اندر باہر * نظردا سب کوں ھے
شاعر *** محمد سلیم خان نیازی
25 دسمبر 2017
غزل
[لکھو | ماخذ وچ تبدیلی کرو]اپنری دھرتی اتے راھوݨ ، سکھݨاں پوسی
اپݨے آپ کوں آپ بچاوݨ، سکھݨاں پوسی
میݙے آپݨے رٹھے راھندن ، میݙے توں
میکوں رسے یار مناوݨ ، سکھݨاں پوسی
سولی چڑھاں ؟، مراں ؟، میݙا ھاں ݙردے
ھݨ تاں میکوں سچ لکاوݨ، سکھݨاں پوسی
سچو داݨاں بݨ تے اساں کھٹیا کیا؟
لڳدے؟ رج تے لارے لاوݨ، سکھݨاں پوسی
اللہ ݙیوے سنجاݨ ، دعاواں منڳداں میں
چندریاں کولوں جان چھڑاوݨ،سکھݨاں پوسی
شاعر ***** محمد سلیم خان نیازی
؛ ہک پراݨی آزاد نظم ؛
[لکھو | ماخذ وچ تبدیلی کرو]؛ گودے دے ناں ؛
گودا
تیݙے ٫ سر دیاں خیراں
گودا
تیݙے ٫ جیوݨ توݨیں
میݙی وستی دے ٫ گھر ٫ گھر وچ
ماتم
ایویں تھیندے راھسن
ساڈیاں نسلاں
خیش ٫ قبیلے
الول ٫ پلول
اوواواڑی دا توں دشمن
اپݨے بکھے بالاں سودھا
تیݙے سر دیاں
خیراں منگاں
گودا
تیݙے ٫ سر دیاں خیراں
شالا
ڈکھ دا موں ناں ڈیکھیں
شالا
رتول راھوی موں تے
شالا
تیݙے گھر وچ ٫ گودا
بکھ دی ڈائیݨ
ناں ٫ دیرے لاوے
شالا
تیݙے ٫ بال ایاݨے
سکھے راھون
بھوگ ناں بھوگن
تیݙی جاہ
ٹکاݨے اتے
قبضہ گیر
ناں قابض تھیون
گودا
جیویں ٫ جگ تے شالا
اساں چندرے
اساں بھونرے
تیݙے سر دی ویل جو ھیسے
اساں سارے بھوگ بھگیسوں
الول پلول
اوواواڑی
جاہ ٹکاݨے
بال ایاݨے
تیݙے سر توں گھول گھتیسوں
اساں سارے بھوگ بھگیسوں
گودا
تیݙے
سر دیاں خیراں
گودا
تیݙے
سر دیاں خیراں
شاعر
محمد سلیم خان نیازی
احمد پور شرقیہ
28 دسمبر 2020 ء