سلیمان سہو

وکیپیڈیا توں

سلیمان سہو سرائیکی زبان دا شاعر ہے۔

ڄم پل[لکھو | ماخذ وچ تبدیلی کرو]

یکم جنوری 1985 کوں علاقہ کھوہ ساجھا تھل لیہ وچ ڄمے۔

تعلیم[لکھو | ماخذ وچ تبدیلی کرو]

ایم بی اے تے ایم اے سرائیکی

کاروبار[لکھو | ماخذ وچ تبدیلی کرو]

ریڈیو پاکستان ملتان بطور مارکیٹنگ آفیسر تے ریسورس پرسن کم کیتے، ہݨ گورنمنٹ پوسٹ گریجویٹ کالج فتح پور لیہ لیکچرار سرائیکی ہن۔

کتاباں[لکھو | ماخذ وچ تبدیلی کرو]

  • کن توں پہلے
  • بھاگ وند

نمونہ کلام[لکھو | ماخذ وچ تبدیلی کرو]

کافی سائیں سب دا سانجھا وو

کوڑ الاواں ملاں تھیواں تھیواں عقلوں وانجا وو سائیں سب دا سانجھا وو

لیلی کیتے مجنوں بنڑیاں ہیر دے کیتے رانجھا وو سائیں سب دا سانجھا وو

سائیں ساڈا ماہی مٹھڑا سائیں ڈھولن چانجا وو سائیں سب دا سانجھاوو

سلا آکھے اوں ہی کھٹیا جئیں من اپنا مانجا وو سائیں سب دا سانجھا وو

"2"کافی اساں سکھیا عشق اویڑا وو

نہ مندر کوں پلیت آکھوں نہ آکھوں گرجا بھیڑا وو اساں سکھیا عشق اویڑا وو

کیڑھا نوری کیڑھا خاک مٹی کر جانڑیں آپ نکھیڑا وو اساں سکھیا عشق اویڑا وو

اساں ملاں دے مرید نسے تہوں باہمناں نال وی جھیڑا وو اساں سکھیا عشق اویڑا وو

اوھو سلا ساڈا مرشد ھے جیندے من دا ستھرا ویہڑا وو اساں سکھیا عشق اویڑا وو

سلیمان سہو تھل کافی3 عشق اساݙا شام کرشن..

عشق اساݙا ڈھولا..

عشق اساݙے سر دا پٹکا..

عشق ہے گل دا چولا..

عشق ہے ٹھݙڑی ہیل پرے دی..

عشق ݙکھن دا جھولا..

عشق مہانگا ہیرے کولوں..

عشق پھلاں توں ہولا..

عشق تاں رام رحیم اکھیندا..

عشق خداوند مولا..

جگ سلیمان عشق گولیندا..

عشق اساں کوں گولا.. کافی""4
ٻَہوں سوھنڑے ہَو

ٻَہوں سوھنڑے ہَو، ٻَہوں بھاندے ہَو

ساݙی لُوں لُوں اندر عشق تیݙا ساݙے سَاہ سَاہ رَلے راہندے ہَو

ٻَہوں سوھنڑے ھو،ٻَہوں بھاندے ہَو

ساݙی کِھل دا ذریعہ آپ ھِیوے ساکوں مُونجھا وی کر باہندے ہَو

ٻَہوں سوھنڑے ھو،ٻَہوں بھاندے ہَو

تُساں پاک پوِتَر بھاگ بھَرے ہر عَیبوں تساں وَاندے ہَو

ٻَہوں سوھنڑے ھو،ٻَہوں بھاندے ہَو

ہر رُوپ تہاݙا مسَّت کرے کائ ویس وَٹا کے آندے ہَو

ٻَہوں سوھنڑے ھو، ٻَہوں بھاندے ہَو

تساں سُلا شئے نئیں وِسرَن دی کݙاں ساݙے ہَاں توں لاہندے ہَو 

ٻَہوں سوھنڑے ہَو،ٻَہوں بھاندے ہَو

کافی"5

کون اتھاں انکاری

توں وی عاشق سوھنے مکھ دا میں وی حسن پجاری

عشق عجب درویشی پیارے عشق عجب سرشاری

تیڈا میڈا جلوہ ھے پیا صاحب صورت ساری

عشق اللہ دے آ پرنائ دنیا نار کنواری

عشق سیانی آن کریندا بھولی خلقت پیاری

جے تائیں سلا آپ اللہ ھے عشق اللہ دا جاری

"سلیمان سہو تھل"