Jump to content

سلطان باہو

وکیپیڈیا توں

سلطان ٻاہو صوفی پیر تے سرائیکی زبان دے شاعر ہن۔تحصیل احمد پور سیال ضلع جھنگ نال تعلق ہے۔

نمونہ کلام[لکھو | ماخذ وچ تبدیلی کرو]

دل دریا سمندروں ڈونگھے

دل دریا سمندروں ڈونگھے ، کون دلاں دیاں جاݨے ہُو

وچے بیڑے وچے جھیڑے ،وچے ونجھ مہاݨے ہُو

چودان طبق دلے دے اندر جتھے عشق تمبو ونج تاݨے ہُو

جو دل دا محرم ہووے باہو، سوئی رب پچھاݨے ہُو

دل کالے کولوں منہ کالا چنگا

دل کالے کولوں منہ کالا چنگا جے کوئی اس نوں جاݨے ہُو

مونہہ کالا دل اچھا ہووے تاں دل یار پچھاݨے ہُو

ایہہ دل یار دے پچھے ہودے متاں یار وی کدی پچھاݨے ہُو

سئے عالم چھوڑ مسیتاں نٹھے باہو جد لگے نیں دل ٹکاݨے ہُو

تسبیح پھری تے دل نہیں پھریا

تسبیح پھری تے دل نہیں پھریا ، کیہ لینا تسبیح پھڑ کے ہُو

علم پڑھیا تے ادب نہ سکھیا،کیہ لینا علم نوں پڑھ کے ہُو

چلے کٹے تے کجھ نہ کھٹیا، کیہ لینا چلیاں وڑ کے ہُو

جاگ بناں ددھ جمدے ناہیں باہو، بھانویں لال ہوون کڑھ کڑھ کے ہُو

میں کوجھی میرا دلبر سوہنا

میں کوجھی میرا دلبر سوہنا ، میں کیونکر اس نوں بھانواں ہُو

ویہڑے ساڈے وڑدا ناہیں پئی لکھ وسیلے پانواں ہُو

ناں میں سوہنی ناں دولت پلّے ، کیوں کر یار مناواں ہُو

ایہہ دکھ ہمیشاں رہسی باہو روندی ہی مر جاواں ہُو