سلانوالی

سلانوالی ضلع سرڳودھا اچ ڄٹکے وسیٻ دا ہک شہر اے جیہڑا تحصیل صدرمقام وی اے ۔ سرگودھا دے مشہور علاقے بھٹیا راِچ واقع ہے۔ ایں توں اڳوں ضلع جھنگ دی حدود شروع تھی ویندی اے۔ اے ہک جدید قصبہ ہے تے ایکوں انیسوسی صدی دے آخر اِچ برطانوی دورِ حکومت اچ ایں ویلھے وسایا ڳیا جݙاں علاقے اچ نہری تے ریلوے نظام دے اجراء دے بعد منڈی دے قیام دی لوڑھ کوں محسوس کیتا ڳیا۔تاں اتھاں ہک منڈی قائم کیتی ڳئی تے جݙاں اتھاں ریلوے اسٹیشن قائم کیتا ڳیا تاں اُوندا ناں سلانوالی منڈی رکھیا ڳیا۔انگریزی عہد اِچ اتھاں میونسپلٹی قائم تھئی، 1931ء اچ ایندی آبادی 3926افراد تے مشتمل ہئی ۔1919ء دی ہک سرکاری رپورٹ دے مطابق سلانوالی اچ ڈسپنسری ، ریلوے اسٹیشن، ڈاکخانہ، تھانہ تے ٹیلیگراف آفس موجود ہن۔

اسلام نگر، پیپلز کالونی، چنن پورہ ، نون کالونی، رانا مارکیٹ، شریف کالونی، اسلم کالونی، نشاط آباد، دھولکا ٹائون، بیجی پورہ، رحمان پور، رحمت کالونی تے عزیز پارک سلانوالی دے رہائشی محلے ہن ،جݙاں جو مین بازار ، صرافہ بازار تے بلاک نمبر 3مارکیٹ کاروباری مراکز ہن۔ سلانوالی دے فرنیچر تے ہینڈی کرافٹس ٻہوں مشہور ہن۔ خصوصاً اتھوں دا وِنگ تے موتی کاری دا کم ٻہوں پسند کیتا ویندے۔ قصبے اچ پیر محمد برخوردار گیلانی قادری نامی بزرگ دی خانقاہ وی ہے۔ سلانوالی دی آبادی 1981ء اچ 14490تے 1998ء دی مردم شماری دے مطابق 23076نفوس تے مشتمل ہئی۔ ایندی موجود ہ آبادی 31ہزار دے نیڑے ہے۔