سر سید

سرسید احمد خان آپنڑی چاپلوسی دی تتا اٹھاراں سو اٹھتری اچ ایسٹ انڈیا کمپنی اچ معمولی کلرک بھرتی تھئے، انگریزی اتے اردو اچ ہیک ہفت روزہ اخبار کڈھیوس، اتھو دے لوک اردو سمجھدے ہن ؟ انگریزی تاں جدید علوم دی زبان سمجھی ویندی ہائی، لیکن اردو دے فروغ اچ سرسید دا کردار پچدا نئیں پیا۔۔۔۔؟ پاکستان اچ سندھی پنجابی سرائیکی بلوچی الائی ویندی ہے، تاں اتھاں اردو کوں قومی زبان قرار ڈتا گیا، انگریزی تاں اویں سکھنڑی ہائی وت اردو دی کیا خچ ساڈے گل دا گلاواں بنڑیا؟ سرسید ہیک اندازہ لایا، جو مسلمان ترے وجوہات دی بنا تیں انگریزی نئیں سکھدے، ہیک جو ایکوں اسلامی تعلیمات دے خلاف سمجھیندن، ہنڑ ذرا نیڑے تھی آؤ، اج انگریزی زبان توں اسلامی تعلیمات کوں خطرہ کیوں کینی؟ ڈوجھا جو مسلمان ایکوں سکھنڑ ضروری نئیں سمجھدے، تریجھا جو مسلمان آھدن اے زبان ساڈے اتیں تھپی گئی اے، اواہے ذرا اوں دور اچ صرف مسلمان سیانڑے ہن ؟ یعنی غیرمقامی، حملہ آور دا مقامی تیں ڈڈھپ اتے اوندی سامراجیت کوئی مسئلہ ای کینا ہا ؟

انگریز دے خلاف جنگ آزادی ویلھے ڈو قومی نظریہ کتھ یا، لیکن سرسید احمد خان ہندوستان تے تھورا لائے انگریز کوں اسباب بغاوت ہند دے ذریعے ڈسیس جو اساں تاں کینا بھڑیے ہاسے، ساکوں تاں تہاڈی گالھ پسند ہے، ساکوں تہاڈے فیصلے اتے حاکمیت پسند ہے، ولا اے پوزے ڈیونڑ دی کیا لوڑھ ہے جو اساں انگریز دے خلاف بھڑیے ہاسے ؟ انگریز دے سامنڑے مقامی لوکاں مزاحمت کیتی، ایں انھیں کوں چبل قرار ڈتا، اتے انگریز دی چاپلوسی کرنڑ اچ مثال بنڑ گیا، اج جماعت وی ایندی پیروی کریندی کھڑی اے ایں سانگے صرف اوہے پاکستانی اتے مسلمان ہن باقی سبھے کافر تے غدار ہن۔