سردار زندہ باد سردار دا کتا زندہ باد

گال ایویں ھے دوستو ,سردار کوں شکار دا بھوں شوق ھا ,سردار صاحب ,ھر ھفتے شکار دا پروگرام بنڑیندا ھا ,ساریں شکاریں کوں دعوت عام ڈتی ویندی ھئ ,سردار, تیں اوندے چمچے کتے کوں کچھ اچ پاء کے ,شکاری جیپ تیں بھندے ھن , ڈوجھیں شکاریں دے کتے نسلی ھن پر سردار دا کتا لوسی نسل دا ھا ,حیرانی دی گال اے ھئ ,شکار صرف سردار دا کتا پکڑیندا ھا ,نال آۓ ھوۓ شکاری بھوں حیران وی تھیندے ھن تیں آپڑیں کتیں تیں لعنتاں وی پیندے ھن ,آخر ھک شکاری اے فیصلہ کیتا ,اگلے شکار تیں ,سردار دے کتے تیں اکھ رکھنڑیں ھے ,خیر اگلا ھفتہ آگیا ,شکاریں آپڑیں کتے چھوڑیے ,جنگل اچ شور مچا ,شکاری شکار دے پچھو ,تیں او بندہ سردار دے کتے دے پچھوں درکیا ,تھوڑی دیر بعد اوں بندے ڈیٹھا ,سردار دے حواری ڈوجھے کتے دے منھ اچوں شکار کڈھ کے گودے دے کتے کوں ڈے ڈتا ,تیں نال نعرہ ماریا ,سردار زندہ باد سردار دا کتا زندہ باد ,,

دوستو آکھنڑ دا مقصد اے ھے نہ سردار تکڑا ھوندے نہ اوندا کتا تکڑا ھوندے,انھیں ڈوھائیں جانوریں کوں اساں تکڑا کریندے ھیں ,ڈوجھیں دا رزق ڈوجھیں دے منھ دا گھراں اساں کڈھ کے گودے کوں ڈیندے ھیں ,,میں کنیں کوئ سردار دا معنی پچھدے تاں میڈا جواب ھوندے ,سردار دا معنی ھے ,مچھر ,اے او مچھر ھے جیرھا ساڈی رت پی کے پلدے ,مگر ھوندا ھک پھوکے یا تاڑی دی مار ھے , اساں غریبیں دی اصل طاقت ووٹ ھے اگر اساں ایں مچھر کوں مارنڑے تاں ووٹ نال ھی مار سگدے ھیں ,,پر کتھاں ساڈے خون اچ اتناں غلامی ھے ,سردار دا انتخابی نشان ڈیکھوں سھی ساڈے انگھوٹھے اچ درد پۓ ویندے ساڈے وس اچ ھووے تاں اساں اشتھار تیں انگوٹھا دب ڈیوں ,تیں ووٹیں دے بعد آپڑیں علاقے دا ناں گھن گھن وینڑ کروں وے دھاڑ واؤ ساڈا شھر واؤ ساڈی وستی واؤ ,۔۔