سرائیکی گیت
ٻالاں دے گیت[لکھو | ماخذ وچ تبدیلی کرو]
جھل پکھا تے آوے ٹھڈی وا
میݙے ویر کو ں رنگ چا لا
پرنے(شادی) دے گیت[لکھو | ماخذ وچ تبدیلی کرو]
پُھلاں والی ارائین سہرا پھلاں دا پوا
جیوی پیو تے بھرا، ساڈادل نہ رنجا
شادی دے موقع تے ڳاناں بدھائی دا گیت
تیڈے گانے کوں لاواں گھیو خاناں
تیڈی جنج سوہیسی پیو خاناں
میڈا خیر اللہ دا بدھ خاناں
مہندی دے گیت[لکھو | ماخذ وچ تبدیلی کرو]
مہندی کو ں لاواں مینڑ
تیڈیاں ویلاں گھلیسم بھینڑ
سہرے دے گیت[لکھو | ماخذ وچ تبدیلی کرو]
حوراں پریاں سہرے گانون
وارو واری ویلاں پانون
وے میں سہرا تیڈا گانواں وے
شہزادہ بنا وے
جھمر دے گیت[لکھو | ماخذ وچ تبدیلی کرو]
کوٹھے تے پڑ کوٹھڑا وے
تے کوٹھے سکدااے گھا بھلا
لکھ لکھ چٹھیاں وے میں تھک ہٹیاں تو کہیں بہانے آ بھلا
دل تانگھ تانگھے، اللہ جوڑ سانگھے
سجناں دا ملنا مشکل مہانگے
کھڑی ڈیندی آں سنیہا اناں لوکاں کوں
اللہ آن وساوے ساڈیاں جھوکاں کوں
چھلے دے گیت[لکھو | ماخذ وچ تبدیلی کرو]
چھلا پاتی کھڑی آں ہک
میڈی نئیں پئی لاہندی سک
میکوں تیڈی پئی اے چھک
منہ ڈکھاویں چا
تیڈے کھوہ تے آئیاں پانی پلا ڈے
سخناں دا کوڑا ساڈے چھلڑے ولا ڈے
ڈھولے دے گیت[لکھو | ماخذ وچ تبدیلی کرو]
بزار وکاندی تر وے
میڈا سوڑی گلی وچ گھر وے
تے پیپل نشانی وے ڈھولا
بزار وکاندی پنڈ وے
تیڈے بت وچ میڈی جند وے
ہکو کر سمجھیں وے ڈھولا
ماہیے دے گیت[لکھو | ماخذ وچ تبدیلی کرو]
ککراں دے پھل ماہیا
اساں پردیسی ہیں
ساڈے پچھوں نہ رُل ماہیا
روٹھݨ دے گیت[لکھو | ماخذ وچ تبدیلی کرو]
میڈا چن مساتا، میڈا چن مساتا
اینویں نی کریندا
لوکاں دے آکھے رُس نئیں ونجیندا
ساوی موراکین تے بوٹا کڈھ ڈے چولے تے
رُٹھی نی منیساں بہوں ناراض ہاں ڈھولے تے