سرائیکی وسیب دا ویس

سرائیکی وسیب دا ویس: سرائیکی وسیب دے لوک چولا یا کُرتہ پَین٘دن اتے مَنجھلا ٻَدھین٘دن،سرتےپَٹکا اتے پیریں کَنیں چھیکویں جُتی یا تِلے والا کُھسّہ پین٘دن. تِلّے والا کُھسہ کیاہے؟عربی وچ تِلّا سونے کُوں آہدن،سرائیکی وسیب کائینات دا واحد خِطہ ہے جِتھاں سونے دے تاریں نال بݨیا ہویا کُھسہ یا جُتی پاتی وین٘دی ہَئ،سونے دی جُتی تُوں سرائیکی وسیب دی عظمت تے امارت دا ان٘دازہ تِھین٘دے،سرائیکی وسیب وچ حملہ آوریں دی لُٹ مار دے بعد لوک سونے دے تاریں نال بݨیے ہوئے کُھسے تاں نی پَاسڳدے البتّہ تِلّے والے کُھسےضروع پَین٘دن،جنہان٘دی قیمت پَنج سو توں گھن تے پَنج ہزار تھی سڳدی اے. سرائیکی وسیب وچ مَنجھلے دے نال لُن٘ڳی وی پاتی وین٘دی اے ،مَنجھ بَدھݨ کیتے سرائیکی وسیب دی ہِک سوکھڑی لاچا وی ھے،جیڑھا جو ݙاݙھا سوہݨا ہون٘دےـ سرائیکی وسیب دے عظیم ثقافتی خطے جھن٘گ وچ لاچے کُوں ہُݨ وی وَݙی چاہت نال پاتا وین٘دے.مَرداں دے نال نال جھن٘گ ،شورکوٹ،تے چنیوٹ دے علاقے وچ تریمتیں ہُݨ وی لُنڳی تے لاچا ٻَدھیندن.سرائیکی علاقے وچ پہلے تریمتیں گھگھرا پین٘دیاں ھَن،ہُݨ اے رواج ختم تھی ڳئے تے تریمتیں سُتھݨ پیندن،ایویں مرد نینگر وی مَنجھلا یا لُن٘گی چھوڑ تے شلوار پاوݨ پئےگئن.البتہ روہی وچ تریمتیں ہُݨ وی گھگھرے پَیندن.