سرائیکی ماء بولی توں اُولے گھولے تھیونڑ والا نینگر وسیم صدیقی

جڈاں سرائیکی دی تریخ لکھی ویسے تاں ایندے وچ سب توں ڈھیر بھانگا سرائیکی شاعراں دا ہوسے بلاشک سرائیکی شاعراں ماء بولی دی جتنی خذمت کیتی اے اوندی قوماں دی تریخ وچ مثال ملن مشکل اے جیکر اساں ڈھیر پچھوں تے نہ ونجوں صرف ہک ہزار سال پہلے سرئیکی زبان وچ لکھے گئے ؛ نور نامے ؛ کوں چا تے ڈیکھوں تاں نور نامہ اج وی او کتاب اے جو قرآن مجید دی تلاوت دے بعد ایندا پڑھن ہر گھر وچ ضروری سمجھیا ویندے اے تاں ہزار سال پہلے دی گالھ ھئی جیکر ہک صدی پہلے دی گالھ کروں تاں خواجہ فرید سئیں تے انہاں دی شاعری دا کون سونہاں کائنی ۔ اے خواجہ سئیں دی شاعری دا فیض تے برکت ای ھے جو اج اساں فرید سئیں دے روضے دی چھاں تلے رہ تے شاعری دیاں لکیراں لیکن آلے وسیم صدیقی دی گالھ کریندے بیٹھوں - وسیم صدیقی دیاں ڈو کتاباں ( مونجھ دے پھٹ ) اتے ( وسیب دے مان ) شائع تھی چکن تریجھی کتاب ( توں پار نہ ونج ) زیر ترتیب ھے وسیم صدیقی اپنی دھرتی اپنی مٹی تے اپنی ماء بولی نال پیار کرن آلا نینگر اے سرائیکی دی خذمت کوں عبادت سمجھدے ۔ سرائیکی توں اُولے کھولے تھیون کوں اپنی حیاتی دا حاصل جانڑدے میں سمجھداں جو ایجھے سرائیکی نینگر دے دم قدم نال ہک ڈینھ سرائیکی دیس دے لوک اپنی منزل حاصل کر گھنسن (انشاء اللہ ) ظہور احمد دھریجہ ملتان