سرائیکی لکھاریاں دا ہوکا
سئیں محترم مجاہد جتوئی صاحب ہوراں دے تھورائت ہیں جنہاں انتہائی اہم پاسے توجہ ݙیوائی ء "جو بدیانتی . بے شرمی کجھ لوکیں دے ضمیر تے خمیر وچ شامل ہوندی اے ،درجناں سرائیکی شاعریں دا کلام انہاں دے علم تے اجازت دے بغیر ایں کتاب وچ شامل کر ڈتا گے . نال اساڈی ہک نظم وی ء. " ۔۔انہاں بلکل ٹھیک آکھے ۔۔۔۔ یقین کرو جو پنجابی دانشور، سیاست دان تے ٻئے کاریگر مارکہ سرائیکی ادب، سرائیکی تحریک، سرائیکی موسیقی تے سرائیکی زبان توں سخت خائف ہن تہوں انہاں ہوچھے ہتھ کرݨ شروع کرݙتن ۔ انہاں کوں پتہ ء جو وسیب دےسرائیکی لکھاریاں دی شاعری تے لکھتاں دا کوئی کُھرا پیرا چاوݨ آلا کوئی نئیں ۔ اساݙی لکھت کتاباں کتھائیں رجسٹرڈ کوئی نئیں تہوں ول پنجابی وڈے شاعر چور کیوں نہ بݨن جتھ شریف کنجاہی سواں بندہ سرائیکی ادب دا چور سݙویجے اُتھاں باقی پنجابی ادب تے ادیب دا کیا رہ ویندے۔ او اے بدمعاشی تہوں کریندے پئین کیوں جو سرائیکی زبان کوں پنجابی زبان دا لہجہ سمجھدن تے سرائیکی وسیب کوں پنجاب یا جنوبی پنجاب سمجھدن تہوں انہاں دا ݙڈھپ سر چڑھ تے ٻولیندے ۔۔ میکوں خود تے افسوس تھیندا پئے جو میں آپ خود 2014 ءچ ملک عبداللہ عرفان ہوراں دی چھپیل ݙو کتاباں "ناتھ جی" تے " ڳالہے دی پوتھی" کیتے اے سارا اہر کیتا ہا تے ایں بارے فیس بک تے سارے سرائیکی لکھاریاں ادیباں شاعراں کوں کیوں نہ اشناک کیتا؟ ۔۔۔۔ بحرحال ایندے کیتے وسیب توں سخت معذرت جو خیال ءی نئیں ڳیا بھلا ہک ادیب وی چور تھی سگدے ۔۔۔۔ بحرحال۔۔۔ ساکوں ہر حال ءچ اپݨی اݨ چھپی تے تمام چھپیل کتاباں دا فوری طور ISBN نمبر گھنݨاں چاہئیدا ء ۔ ایندے اُتے ہک روپیہ وی خرچ نئیں آندا ۔ اسلامہ باد ایندا آفس ء جتھاں ونڄݨ دی لوڑھ ءی کوئی نئیں۔ میں تمام لنک تے متعلقہ فارم اپݨی پوسٹ ءچ اپ لوڈ کرڈتن۔ جیکر مزید تفصیل دی لوڑھ ہو وے تے فوراََ فون تے رابطہ کرتے مزید معلومات گھن سگدے وے۔ اسلام آباد ہیڈ آفس ءچ تعاون کرݨ آلا مددگارعملہ ٻیٹھے جیکر تساں اے فارم پُر کرتے انہاں کوں پوسٹ کرو چا تے ہک توں ݙو ہفتیاں ءچ تہاکوں تہاݙی کتاب دا نمبر الاٹ کرݙیندن۔
آئی ایس بی این انٹرنیشنل سٹینڈرڈ بک نمبر ہے ڄیہڑا ہمیشہ 13 ہندساں تے مشتمل ہوندے ۔ آئی ایس بی این ہک مخصوص ریاضیاتی فارمولہ ء جیندے نال بین الاقوامی شمار دی تندیر ءچ کتاباں لکتھاں کوں شامل کیتا ویندے۔ ایندے ذریعے اساں اپݨی چھپی تے بھانویں اݨ چھپی کتاب کوں دنیا دے ڈیجیٹل ڈاٹابیس ءچ پاسگدے ہیں جیندے بے شمار فیدے ہن ۔ سب توں اہم ڳالھ جو چور لکھاری تے چور پبلشر تہاݙی کتاب دا مواد بغیر پبلشر تے لکھاری دی موکل بنا نہیں چھاپ سگدے۔ آئی ایس بی این کتاب دے پبلشر پرنٹرز،تعداد ، قیمت، ٹائٹل ضخامت، لکھاری تے کتاب دے موضوع، اندر دی تمام تفصیل کوں شناخت کریندے تے ڈیڄٹل ڈیٹا ءچ تمام تفصیل دی سانبھ رکھیندے . اے کتاباں کوں، لائبریریاں، ویئنڈرز تے تقسیم کنندگان دی پاسوں کتاباں دی شناخت کرݨ کیتے ہک معیاری ID نمبر ہوندے. ڄیکر تہاکوں اپنی کتاب بک اسٹورز، لائبریریاں، Amazon.com یا Google.com سویں آن لائن ریٹیلرز دے ذریعہ ویچݨ دی لوڑھ ہووے تے وت تہاکوں ہک آئی ایس بی این نمبر دی لوڑھ ضرور پوندی ءے.
۔۔۔۔ تہاݙا شہزادعرفان [١]