سرائیکی قوم ہے یا ٻولی

،،،، سرائیکی قوم ھے یا بولی ھے،،، سب توں پہلے پنجاب کنیں شروع کریندے ھئیں پنج آب یعنی پنج پانڑی یا پنج دریا دی دھرتی جیرھی وگڑ کے پنجاب تھی گئ اُتھو دے رھنڑ آلے لوک پنجابی سڈویندن ول انھیں پنجابیں ءچ کئ ذاتاں ہن، مگر انھیں ماء بُولی دی عزت کیتی ھے آپڑیں ماء بولی دے ناں تیں ہک قوم بنڑائ ھے جیرھی پنجابی سڈویندی ھے، ایویں سندھ لگے جُلو ۔سندھیں وی آپڑیں ماء بولی سندھی کوں عزت بخشی تیں آپڑیاں ذاتاں وسار کے صرف سندھی سڈویجنڑ ءچ عزت سمجھی اج اُو بھانویں چانڈیو ھے یا عمرانی بلوچ ھے ملک ءچ یا ملک دے باہر صرف سندھی ھے خیبر پختونخواہ، کل دی گال ھے ساڈے سامنڑے اے صوبہ سرحد ھا اوندا ناں پشتون لوکیں کوں پسند کائینا نہ ھا انھیں زور لاء کے آپڑیں ماء بولی پشتون دے ناں تیں صوبے دا ناں رکھیے، اج اُو بھانویں خٹک ھے یا آفریدی تیں بنگش ھے صرف پشتون سڈویندے تساں کہیں کنیں پچھسو توں کون ھئیں او فٹ ڈسیسی میں پشتون ھاں یا پٹھانڑ ھاں او تھاکوں آپڑیں قوم نہ ڈسنڑ شروع کر ڈیسی کہ میں بنگش ھاں یا خٹک ھاں، احساس کمتری دا شکار صرف سرائیکی نظرسی اُو اج تئیں ایں گال تیں اڑیا کھڑے میں بلوچ ھاں یا سرائیکی ھاں یار جڈاں پنجابیں آپڑیں ذات کوں چھوڑ کے پنجابی سڈویجنڑ ءچ فخر کیتے سندھیں مانڑ کیتے بلوچیں غرور کیتے توں کیوں سرائیکی سڈویجنڑ تیں شرمسار ھئیں.

ہر صوبہ زبان دے سر تیں بنڑیا کھڑیے اساں سرائیکی ہک قوم ھئیں کیونکہ ساڈا کلچر ساڈی ثقافت ہر کنیں وکھری ھے، جیرھے خود کوں بلوچ سڈویجنڑ تیں زور لئیندے ھاؤ زرا بلوچی جھمر تاں مار ڈکھاؤ تلواریں آلی، یا مکرانی ڈانس کر ڈیکھاؤ نعرے مار کے، ساڈی ذات ضرور بلوچ ھے مگر ساڈا رھن سہن ساڈا کلچر بلکل مختلف ھے اساں بحثیت قوم سرائیکی ھیں ساڈے شعر ساڈے گیت ساڈیاں غزلاں ہر رسم و رواج وکھرا ھے ایں بحث توں نکلو جیویں ہر صوبہ نکھتے نتاں بلوچ تھاکوں پنجابی سمجھ کے مار ڈیسن ۔پنجابی تھاکوں بہاولپوری سمجھ کے چپ کر ویسن پشتون تیں سندھی تھاکوں سنجانڑدے نیں تساں ھاؤ کون پنجابی قوم ھے، سندھی قوم ھے، پٹھانڑ قوم ھے، تساں سرائیکی کیوں قوم نہوے ایھا چھوٹی جھئیں گال میں ان پڑھ کوں سمجھاؤ ھا.