سرائیکی قوم دے خلاف جمہوری سازش
ہر او جماعت وڑے کُٹیج تے جیتھوں نکلی ء جہڑی سرائیکیاں کوں اوندی سرائیکی شناخت جنوبی پنجابی نال وٹاوݨ چاہندن تے اساکوں رنجیت سنگھ دے بعد باقاعدہ آئینی سطح تے ہمیشہ وسطے سرائیکی سیاسی جدوجہد تے صوبے دے سوال کوں مٹاوݨ چاہندن۔۔۔۔ اے سب وارداتیے جمہوریت تے پارلیمنٹ دا ناں گھن تے کریندن پئیں ۔۔۔۔ باقی انہاں دے پچھلگ طالبان آلی کار انکھیں کن بند پارٹی فوبک جنونیاں توں علاوہ کوئی نئیں ۔۔۔۔۔ وے یار جیکر کوئی وی صوبہ ہݨ نہ بݨسی تے کیا تھی پیا کم از کم اساں جنوبی بنجابی تان نہ بݨسوں ۔۔۔۔ اساڈی سرائیکی تحریک دی جدوجہد ءی کتنی ء جو ہݨ ڳاں تُرٻدی ء ۔۔۔۔۔۔ یا سی سیکشن دی لوڑھ آ پئی ء۔۔۔۔ ونجو سندھیاں بلوچاں پشتوناں توں پچھو جنہاں دے اپݨے صوبے اپݨی قومی شناخت زبان ثقافت دے نال ہن ۔۔۔ اپݨی اپݨی قومی حکومتاں تے انہاں دے بڄٹ ہن اوندے باوجود او اج وی اپݨے حقوق دی جدوجہد تے بقاء دی جنگ لڑدے کھڑن ۔۔۔۔ جنہاں دی جدوجہد کوں ستر کنیں زیادہ ڈہاکے تھی گزرن پر ول وی انہاں دی سیاسی حقوق دی جنگ جاری ء تے اساں مسیں کوئی ویہی تریہی سال دی سرائیکی تحریک دے وارث ہیں اے ٻال ڄہڑا ہالی بانݨبڑے پو وݨ وی نئیں تھیا تے ݙیݨیں آدم بھوں آدم ٻھوں کریندے گھر وڑ آئین جو آکھدن اپݨے ہتھڑیکے اپݨاں جمدا ٻال اساکوں ڈے ݙیو اساں اگلی نسل آپے پءنجابی بݨا ݙیسوں ۔۔۔۔۔۔
یوتھیاں تے ڄیالیاں کوں آخر ایے کیوں نئیں نظردا جو الگ صوبہ بݨاوݨ تے سرائیکی صوبہ بݨاوݨ ءچ اتنا فرق ء جیویں کوئی میݙے پو ݙاݙے دے وراثتی گھر ءچ وڑ تے زبردستی میݙا گھر اپݨے ناں رجسٹری کرا تے میکوں آکھے اے گھن ہݨ اتھاں رہ تے موجاں کر۔۔۔۔۔۔ جہڑی دیگ ءچ اساڈا حصہ کوئی نئیں سمجھو "کھے" پیا پکدے۔۔۔۔۔۔۔۔ پیپلز پارٹی چنگی ہوسی اوندی قربانیاں سر اکھیں تے جمہوری ہوسی پر سرائیکی اشو تے او اسٹیبلشمنٹ تے پنجابی لاہوری شرافیہ دے نال کھڑے ء۔۔۔۔۔۔ پٰی ٹی آئی نویں ہوسی تہوں پتہ نئیں جو کیا ہوسی پر اے سوفیصد یقین نال آکھ سگداں جو سرائیکی اشو تے پی پی پی نال کھڑی ء لہوری اشرافیہ تے اسٹیبلشمنٹ نال کھڑی ء ۔۔۔۔۔۔۔ جنہاں کوں ٹاسک ء جو جنوبی پنجاٻ صوبہ بݨاڈیو تے وزیراعظم دا سیرا ٻدھو۔۔۔۔۔۔۔ کیوں جو اسٹیبلشمنٹ پہلے طاقتور بنگال صوبہ دا نتیجہ ݙیکھ چکن ہݨ مضبوط وݙے پنجاب ءچ بنجابی نوازشریف دی بغاوت ݙٹھی کھڑن ۔۔۔۔۔۔ سندھ پشتون بلوچستان کوں کمزور رکھ تے خوش ہن ۔۔۔۔۔۔ او تاں صرف پنجاب کو تقسیم صرف اپݨی لوڑھ تے ضرورت دی وجہ تون کریندے پئین جو ہن پاسے پنجاب کمزور تھیوے پر راہوے پنجاب تے ڈوجھے پاسے سرائیکی تحریک تے سرائیکی لوکاں دا سرائیکی شناخت نال ہک نواں صوبہ منگݨ دا مطالبہ تے اصلوں وارا نئیں کھاندا جو ہک نواں سر درد ۔۔۔۔۔ تہوں اقتدار نال مشروط اے ٹاسک پی پی پی تے پی ٹی آئی تے ق لیگ کوں ڈتے نے تاکہ کل کون کوئی ٻیا نہ سر پٹے ۔۔۔۔۔۔۔۔اتوں جیالے یوتھیئے تے طالبان اپݨے جزباتی کیفیت ءچ ہکو سویں ہن ۔۔۔۔۔۔ جو اپݨی اپݨی پارٹیاں دے لیڈراں دے سیاسی بیانات کوں آفاقی تے الہامی کلام سمجھ تے پوجا پاٹ تے لہہ آندن۔۔۔۔ اساں اپݨے خلاف ایں سازش کو ہر حال ءچ ناکام بݨاوݨیں۔۔۔۔۔ اج سرائیکی صوبہ نہ بݨسی تے کل پݨ ویسی اے تاں تاریخ دی جدوجہد ء ،،،، جنیدا پھل ہک ݙو ݙینہہ ءچ نئیں ملدا ۔