سرائیکی دعائیں

*سرائیکی دعائیں*

*بزرگوں کے سالہا سال کے تجربات کا نچوڑ*

*اَندھے دی مُک توں ،*

*بیڑی دی دھُپ توں*

*تے شادی دی بُھکھ توں ،*

*مولا امان ڈیوے*

*سیاسی دے کُوڑ توں ،*

*مراسی دے موڈ توں*

*تے تھریشر دی دُھوڑ توں ،*

*مولا امان ڈیوے*

*کملے جَٹ توں ،*

*بےسُرے نَٹ توں*

*تے ساونڑ دے پھَٹ توں ،*

*مولا امان ڈیوے*

*کچے دی لاری توں ،*

*مالی پٹواری توں*

*تے سپاہی دی یاری توں ،*

*مولا امان ڈیوے*

*نشئیاں دی ٹولی توں ،*

*اوڈاں دی بولی توں*

*تے پِننڑے دی جھولی توں ،*

*مولا امان ڈیوے*

*پُلس دی مار توں ،*

*معیادی بخار توں*

*تے بِیڑے نسوار توں ،*

*مولا امان ڈیوے*

*ڈاڈھے دے لاہنڑیں توں ،*

*جنگل دے تھانڑیں توں*

*تے بےٹائمے پراہنڑیں توں ،*

*مولا امان ڈیوے*

*پٹھانڑاں دے اُدھار توں ،*

*گھریلو شکار توں*

*تے الیکشن دی ہار توں ،*

*مولا امان ڈیوے*

*بوہے دی بیر توں ،*

*تھل دے اَنہیر توں*

*تے ہاتھی دے پیر توں ،*

*مولا امان ڈیوے*

*لڑاکی ذال توں ،*

*آوارے بال توں*

*تے جیل دی ڈال توں ،*

*مولا امان ڈیوے*

*کَیرے گنجے توں ،*

*شیر دے پنجے توں*

*تے ہوٹل دے منجے توں*

*مولا امان ڈیوے*