سرائیکیاں دی صدیاں دی تاریخ

صدیاں دی تاریخ رکھنڑ آلے سرائیکی کیا وجہ ہک لیڈر کیوں نیں پیدا کر سگیے ۔ قوم دی اکھ شعراء ادیب دانشور ہوندن ۔ساڈی ماء بولی دے مہاندرے شعراء ادیب محقق ۔تساں جتناں وڈا ناں گھنسو اُو اتناں وڈا غلام ہوسی ۔بھٹو صاحب سیاسی لیڈر ہا بلا شبہ مگر میں اوکوں سرائیکی قوم دا مسیحا نمھی آکھ سگدا میکوں میڈا بہاولپور نیں بھلدا ۔سیاسی لیڈر علیدہ ہے قوم پرست بی شئے ہے ۔میڈی ماء بولی دے اگوانیں شاعر حضراتیں بھٹو صاحب دی محبت ءچ آ کے ماء بولی دا قرض لہاونڑ دے بجائے درس ء غلامی دا نصاب پڑھاونڑ شروع کر ڈتا ۔میں ہک سرائیکی اگوان کوں سوال کیتا ہیں سئیں تساں کون ہاؤ انھیں فٹ ولدا ڈتے میں وسیب ءچ راھنڑ آلا سرائیکی ہاں ۔میں پُچھے جناب دا لیڈر کون ہے۔ارشاد فرمائے نے بھٹو سئیں ۔میڈا سوال وت کھڑے بھٹو سئیں کوں سیاسی لیڈر مناں یا قوم پرست ۔اگر سیاسی لیڈر مینداں تساں کُوڑے تھیندے ہاؤ ۔اگر بھٹو صاحب کوں قوم پرست آھداں ول وی تساں کُوڑے تھیندے ہاؤ ۔اگر, تساں بھٹو صاحب دے نال بحثیت سیاسی لیڈر محبت رکھدے ہاؤ ست بسم اللہ تھاڈا حق ہے مگر ہک شرط ہے قوم پرستی دا چولا لہا سٹو ۔کیوں جو تھاڈی قوم سرائیکی ہے ۔بھٹو سئیں سندھی ہن ۔ہک سرائیکی قوم دا لیڈر سندھی کیویں بنڑ سگدے ۔اگر بھٹو صاحب ساڈا لیڈر ہے یعنی سندھی لیڈر مطلب غیر قوم دا ۔ول پنجابی لیڈر کیوں نیں بنڑ سگدا۔تخت لاہور دی نفرت آلا نعرہ کئیں ایجاد کیتا ہا ۔پیپلز پارٹی آلیں ۔انھیں اے نعرہ سرائیکی دے مفاد ءچ نیں آپڑیں سیاسی مفاد لو کیتا ہا ۔

میڈا سوال اے ہے جیرھے شعراء اج تک وی پیپلز پارٹی دے شان ءچ قصیدے لکھدے کھڑن ایھو بدبخت ٹولا ہا جنھیں قوم کوں غلامی دا سبق پڑھائے اے معتبر کیویں ہن اے اگوانڑ کہیں ہن ۔مشاعرہ سرائیکی ماء بولی دا تھیندا پئے جھنڈے پنڈال ءچ سندھی جماعت دے لگے کھڑن شعراء ت ادیب و محقق سندھی جماعت دی تسبیح پڑھ پڑھ سرائیکی دی خدمت کریندے کھڑن ۔تُھک ہیوے سئیں جہانگیر مخلص میڈے وسیب دا پتر ہے سوھنڑاں لکھاری ہے انھیں دا کلام سُنڑ کے روونڑ آ گئے جیرھا بھٹو صاحب دی شان ءچ ہا او فرمیندن اساں ہُنڑ چاھندے ہیں بلاول آوے ہا ۔یعنی اساں ایں جماعت دے نسل در نسل غلام ہیں ساکوں کوئ فرق نیں پوندا اگر اے جماعت ساڈی ماء بولی کوں تسلیم نیں کریندی۔۔ بُڈ مرو ہک پاسو رنجیت سنگھ دی اولاد ڈوجھے پاسے راجہ داہر دی نسل ۔ادھ ءچ سرائیکی پسدا آئے ۔رہبر رہنما خود لٹیرے ہن ۔اے سئیں وڈا شاعر ہے ایں سرائیکی دا مقدمہ لکھیے ۔ اے سئیں مرشد ہے ایں پانڑی دا نوحہ لکھیے ۔اے سئیں وڈا محقق ت ادیب ہے ۔معزرت نال میڈی نظر ءچ اے میڈے وسیب دے میڈی نسلیں دے قاتل ہن ۔قوم کوں سیدھا راہ ڈیکھالنڑ دے بجائے غلامی دا درس ڈیونڑ آلا معزز نیں دیھ دا پتر ہے ۔۔۔۔تلخی معاف ۔جمیل بلوچ