سانچہ:چوݨواں مضمون
قدیم سلطنت اسرائیل دا بادشاہ، اخزیاہ اخزیاہ یا آخزیاہ سلطنت اسرائیل دا اٹھواں بادشاہ تے آخی اب دا پتر ہئی۔ آخی اب دے پتراں وچوں ایہو جنگ سمرون وچ بچ کے زندہ ریہا ہئی۔ سلطنت یہوداہ دے چوتھے بادشاہ یہوسفط دی تخت نشینی دے ستارھویں سال 898 قبل مسیح وچ تخت نشین تھیا۔ اس صرف ݙو سال حکومت کیتی تے 896 قبل مسیح وچ موآبیاں نے اینکوں تخت توں لہا ݙتا۔ اس دا دور حکومت اگرچہ برا ہئی لیکن اس دی سلطنت یہوداہ نال صلح ہئی۔
آخیاب دے ستر پتراں وچوں ، جیہڑے سمرون دی جنگ وچ مارے گئے ہن ، آخزیاہ ہی تخت نشین تھیا۔ اگرچہ اوہ پیو دی طرح بری خصلت دا مالک نہ ہئی ، تاہم اوہ بت پرستی دی طرف مائل ہئی۔ اس عقرون دے دیوتا ‘ بعل زبول ‘ دے کول اپݨا ہک قاصد روانہ کیتا اس تاکید دے نال کہ اوہ ونج کے اُس کولوں ایہ دریافت کرے کہ سمرون دے معرکے وچ جیہڑی چوٹ اِس کوں لگی ہئی اس دے مند مل تھی ونجݨ دے امکانات ہن یا نہیں۔