سامرا

سامرا دا سپائرل مینار

سامرا یا سامرہ (عربی اچ سامراء ) عراق وچ بغداد دے شمال وچ دریائے دجلہ تے محافظہ صلاح الدین وچ واقع آباد ہک شہر ہے۔ ایندا ہک ناں سرمن رائے وی ہے جیندا مطلب ہے 'جیں نے ݙٹھا اوں نے پسند کیتا'۔ ایہ ساسانیاں دے زمانے توں ہک فوجی مرکز چلا آندا ہئی جیندی ایہ حیثیت اسلامی دور اچ وی رہی۔ اتھاں امام علی نقی تے امام حسن عسکری رحمۃاللہ علیہم دے مزارات ہن۔ 2003 عیسوی دے امریکی قبضے توں پہلے ایہ شہر سنی تے شیعہ مسلماناں دی آپسی محبت تے میل ملاپ کیتے مشہور ہئی۔ اتھاں قدیم زمانے دی ہک مسجد ہے جیندا مینار انوکھی وضع دا ہے جینکوں امریکی قبضے توں پہلے سیاح ݙیکھݨ آندے ہوندے ہن ۔ سامراء دی مجموعی آبادی 348,700 افراد تے مشتمل ہے۔