ساجد محمود نوازی

ساجد محمود نوازی سرائیکی شاعر ہے.

نمونہ کلام

سرائیکی غزل

اٹھدے بھانویں ڈھاندے رہسوں

تیݙے  ڳاوݨ  ڳاندے  رہسوں۔

ساݙے نال تو ٻول تاں سہی

ساری عمراں بھاندے رہسوں۔

تیݙے صدقے ملدا رہندے

تیݙے صدقے کھاندے رہسوں۔  

دل منگسی بھانویں نہ منگسی

تو سݙویسیں آندے رہسوں۔

سجدہ اڄ تائیں کر نئیں ݙٹھا

ساجد بھانویں ناں دے رہسوں !

ساجد محمود نوازی

چنڳے لوک ہن

چنگے لوک ہَن بھان٘ویں ان پڑھ ہَن

اتوار کوں آݙت پڑھدے ہَن

نا واقف ہن ہر مطلب توں

مطلب کوں مطبل پڑھدے ہن

بھان٘ویں لکھ انھاں تے غربت ہائی

ہک ٻئے دی بھال بھلیندے ہن

کوئی شر ہائی نا ساجد جھیڑے ہن

ڄݙاں چنگے لوک اتھاں رہندے ہن

ہݨ بکھ پئے ڳئی اے ہر پاسے

کوئی کہیں کوں اصلوں پچھدا نئیں

بھاویں سکے مسات ملیر ہوون

کوئی کہیں دی ڳال وی سݨدا نئیں

جیہڑا سچ ٻولے ایں دنیا تے

او کہیں دا یار سݙیندا نئیں

اے دل ہے ساجد رب دا گھر 🏠

ایویں گھر کہیں دا ترڑیندا نئیں

تے

خوشحال ہاسے جݙاں ٻال ہاسے

او وقت او ویلھا چنگا ہا

کائنی جیندیاں جی اتھاں قدر کہیں دی

پچھوں آکھدن شودا چنگا ہا

بس اکھ نوٹݨ دی دیر ہے ساجد

آکھسی ہر کوئی بندا چنگا ہا

شعر

اوندے ہتھاں تے مہندی لڳی

ساݙے کپڑے سیاہ تھی ڳئے

محمود نوازی  🥀

شعر

تیݙے ہرݨ دا ݙکھ زیادہ ہے

جیت آپݨی منا نمہی سڳدا___🥀

ایس ایم نوازی