ساجد علی پوری
اصل ناں محمد ساجد
قلمی ناں ساجد علی پوری
جمن 1975ء
تعلیم بی کام ۔بی ایڈ
پیشہ ٹیچر
فون نمبر 03346991090
جاہ پتہ محلہ قاضیاں نذد عید گاہ علی پور(مظفر گڑھ)
شعری مجموعہ ’’الف توں پہلے‘‘دے خالق ساجد علی پوری زبر دست خدا داد شعری صلاحیت دے حامل شاعر ہن،انہاں دے تخیلات دی پرواز بلند تے مشاہدہ بہوں تیز ہے ۔اوندے سوچاں دے جگنوں ہر زاویئے کوں توڑ تائیںروشنی دان کریندے نظر آندن۔ساجد نویں زمانے دی نویں روشنی دا جدت پسند شاعر ہے ۔ڈوہڑہ ہووے تے بھانویں قطعہ،آزاد نظم ہووے تے بھانویں پابند نظم ہر صنف وڈی مہارت نال لکھدے۔یتیم جتوئی دے بعد ساجد علی پوری اجوکے دور دا وڈا نظم گو شاعر ہے ۔کاش ساجد صاحب پابند نظم چھوٹی بحراں وچ لکھدا تاں کیا ای بات ہئی۔بہر حال آپ نے غزل وی خوب لکھی ہے تے غزل وچ اچھوتے مضامین پیش کیتے ہن۔
کتاباں
[لکھو | ماخذ وچ تبدیلی کرو]- الف توں پہلے
نمونہ کلام
[لکھو | ماخذ وچ تبدیلی کرو]ڈیندے اساں تریہہ کئے نسے منگدے اساں چھل کئے نسے
گم سم سمندر ھیں اساں کئ سہکدے تھل کئے نسے
سمجھیے اساکوں کھیڈ جئیں اوکوں کھڈایاھے اساں
ساکوں بنڑیئے جئیں مسلہ تھئے اوں کنوں حل کئےنسے
لیراں کہیں بیوہ دے ھیں بوچھنڑ دیاں تاں ٹھیک ھیں
شکر اے کہیں سردار دی دستار دا ول کئے نسے
پاگل تاں ہیں جو ٹر پیوں تیڈے پچھوں من کے تیڈی
من کے تیڈی ہنڑ ول ونجوں اتنا وی پاگل کئے نسے۔