ساؤنپالو
ساؤں پاؤلو ((پرتگالی: São Paulo)، "سان٘ؤ پاؤلُو"، معنی: "سنت (یا مقدس) پولوس") برازیل دا سب توں وݙا شہر ہے تے ایہ دنیا دے وݙے شہراں وچوں ہک ہے۔ ایہ ملک دی ریاست ساؤ پاؤلو دا دارالحکومت ہے جیہڑا آبادی دے لحاظ نال برازیل دی سب توں وݙی ریاست ہے۔ ایں شہر دا نام سینٹ پال نال موسوم ہے۔ تجارت و معیشت دے نال نال فن و ثقافت دے حوالے نال وی ایہ شہر خطے تے اثرات رکھدے۔ شہر وچ قدیم گرجے، عجائب گھر، جدید و بلند و بالا عمارات، مالیاتی مراکز تے منڈیاں ہن۔ ملک دی بلند ترین عمارات مرانتے دو ویل تے ایدیفیسیو اطالیہ وی اتھائیں واقع ہن۔
1523 مربع کلومیٹر (588 مربع میل) دے رقبے تے پھیلے ہوئے ایں شہر دی آبادی تقریباً 11،037،593 ہے۔ ایں لحاظ نال ایہ جنوبی نصف کرہ دا سب توں وݙا شہر ہے۔ شہر دی معروف عرفیت "سامپا" ہے۔ اتھوں دے بین الاقوامی ہوائی اݙے توں اندرون و بیرون ملک کیتے کئی پروازاں اݙدن۔