زمان کاوش
اصل ناں محمد زمان
قلمی ناں زمان کاوشؔ
جٖمنْ 1983ء
تعلیم ایم اے ، ایم فِل
پیشہ معلم
فون نمبر 0333 6032412
جاہ پتہ موضع عجب آرائیں، ڈاکخانہ بٖصیرہ تحصیل و ضلع مظفر گٖڑھ
زمان کاوش ہک پڑھیا لکھیا نوجوان شاعر ہے، مظفر گٖڑھ دے نامور شاعر افضل چوہان دا شاگر د ہے ۔ خوبصورت لبٖ و لہجے دی شاعری کریندے۔ زمان کاوش بنیادی طور تے اردو شاعر ہے ، تے مشقِ سخن وی زیادہ اردو اچ ہے ۔ لیکن مادری زبان سرائیکی ہوونْ پاروں سرائیکی اچ وی برابر رواں شاعری کریندے۔کیوں جو زمان کاوش ہک فطری شاعر ہے جئیں ویلے اوہ شعر لکھنْ دا ارادہ کریندے تاں اوندی شاعرانہ طبیعت تے آمد دا سلسلہ جاری تھی ویندے تے شعری اوزان وی خود بخود تابع امر تھی کے اوندا ساتھ ڈٖیندن۔جتھوں تک آپ دی شخصیت دا تعلق ہے تاں اوہ با ادب بامراد دا مصداق بٖہوں ای من موہنْاں نوجوان ہے۔ نمونہ کلام۔
غزل
[لکھو | ماخذ وچ تبدیلی کرو]تسّے ڈٖیس دی رُت مستانی توں الوا چا
مست نظارے چپ ہن جانی توں اَلوا چا
بٖیٹ کنارے چپ دا روزہ نیتی بٖیٹھن
سندھ دریا دی شوخ جوانی توں اَلواچا
ڈٖینہ دا راجہ تیڈٖے تونْیں ٹُر کے آ گٖئے
دل کوں کھول کے رات دی رانی توں اَلوا چا
محنت کیوں نی کر سگٖدی مزدور دا فیدہ
مل مالک دی تن آسانی توں اَلواچا
اندر دی تس مکدی کیوں نئیں کاوشؔ جیویں
چھیڑ کئی ایجھی یار کہانی توں اَلوا چا