زرداری فوبیا

انتہائی دلچسپ تے عجیب وغریب زرداری فوبیا! پی پی پی پی دے صدرآصف زرداری دی طرفوں تونسہ شریف اچ سرائیکی صوبے دے حق اچ ڈتے گئے بیان تے گزریل 24گھنٹے اچ سوشل میڈیاتے سرائیکیاں ولوں تھیونڑ آلے تبصرے۔۔۔۔۔۔ زرداری ووٹ گھننڑ سانگے سرائیکی صوبے دا لولی پاپ ڈیندا پئے! دھیان کراہے، زرداری آپڑیں کرپشن بچاونڑ سانگے سرائیکی صوبے دا نعرہ مریندا پئے! جڈانہہ صدرہا اوں ویلھے سرائیکی صوبہ کیوں نسی بنڑایا؟ حکومت دے پنج سال تاں سرائیکی صوبے دا ناں نئیں گھدا ہنڑ ساڈے ووٹ گھننڑسانگے سرائیکی صوبے دا لولی پاپ ڈیونڑ آگئے!

زرداری سرائیکی کوں پاکستان دی قومی زبان تاں بنڑایا نئیں اساں صوبے دا کیا کریسوں؟ زرداری چور اے ایندا بنڑایا ہویا صوبہ ساکوں قبول کائنا ہوسی! زرداری سرائیکی بینک دا اعلان کرکے مُکرگیا ہئی ،ہنڑ ول سرائیکی صوبے دا دوکھا ڈیونڑ آگئے! سوال: 1۔ کیا اے سوالات یا تبصرے پنجاپی میڈیا تے پنجاپی شاونسٹ سیاستادانیں دے ذہن دی پیداوارنئیں؟ 2۔ کیا اے سوالات یا تبصرے تخت لہوردے مفاد اچ نئیں؟ 3۔ کیا اے سوالات یا تبصرے ایں گالھ کوں تقویت ڈیون سانگے نئیں،جو 2013دے الیکشن دے بعد ن لیگ دی لیڈرشپ ہک فتویٰ ڈتا ’’جیکرجنوبی پنجاپ دے لوک سرائیکی صوبہ چنہدے ہوندے تاں او پی پی پی کوں ووٹ ڈیون ہا، جنوبی پنجاب دے لوک انج صوبہ نئیں منگدے ،صرف پیپلزپارٹی آپڑیں سیاسی مفاد سانگے انج صوبہ چنہدی اے‘‘۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔کیا ’سرائیکی قوم پرست‘ ہک واری ول تخت لہوردے ایں موقف (فتوے) کوں سچا ثابت کرن سانگے زورنئیں لائی پئے؟؟ (اساں قیدی تخت لہور دے، فیسبک پیج دی ہک پوسٹ)