زبیر ساجن سن٘جرانی

زبیر ساجن سن٘جرانی سرائیکی زبان دا شاعر ہے۔

نمونہ کلام

ݙوہڑے

کوئی خبر نہ ہوسی قیامت دی کوئی وقت بانگ سنڑیسی چا

تھی توبہ دے در بند ویسن ھر لفظ قرآن لوکیسی چا

بہوں سجھ کوں ظلم دی طائش ھوسی بھوئیں بھاء دے ویس وٹیسی چا

ھوسی ڈینہ تاں سال دا شر ساجن ھک ڈینہ سوسال ھنڈھیسی چا

,,, ,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,, ,,, ,,, ,,,

اوندے تول دے وچ چونگ چونگ تولسی ھر تول دے وچ تکرار ھوسی.

ھر کہیں کوں اپنڑے فکر ھوسن ھر کوئ اپنڑی وچ تار ھوسی

کوئی خوش قسمت کوئی بد قسمت ھک بھیڑ بھریا بازار ھوسی

جیرھا ساجن تول وچ گھٹ ویسی اوں وقت او ڈینوڑے دار ھوسی

سئیں زبیر ساجن سنجرانی

ݙوہڑہ

تیڈی تانگھ دی تلخی وچ آکے مسکار کوں مونجھیں مار گھتیے

ہر رات کوں لوڑھ طبیب دی ہئ بیمار کوں مونجھیں مار گھتیے

حق نیئں ہوندا تاں بی گال اے حقدار کوں مونجھیں مار گھتیے

میڈے ساجن یار کوں آکھیں چا تیڈے یار کوں مونجھیں مار گھتیے

استاد زبیر ساجن سنجرانی