زبان دی اہمیت

ہک صحابی رضی الله تعالٰی عنہ نے حضورِ انور صلَّی الله تعالٰی علیہ واٰلہٖ وسلَّم دی بارگاہ اچ حاضر تھی کے عرض کیتی آپ میڈے کولوں سب توں زیادہ کیہڑی چیز دا خوف رکھیندے وے؟ آپ نے آپݨی زبان اقدس پکڑ کے ارشاد فرمائے: ”اِیں(زبان) دا“۔ (ترمذی، جلد 4، صفحہ 184، حدیث: 2418)

زبان ہی انسان کوں ہلاکت دے دہانے تک پُچا ݙیندی ہے اتے ایہا زبان انسانی کامیابی دا سبب بھی ہے۔ جنت دا داخلہ ہووے یا جہنم دا ٻَل(اِیندھن) بݨݨا ہووے! ایں زبان دا ݙوہیں پاسے ٻہوں وݙا ہتھ ہے۔