زاہدہ پروین

زاہدہ پروین
معلومات شخصیت
پیدائش	سنہ 1925ء   امرتسر
وفات	15 مئی 1975ء (49–50 سال)  لاہور
شہریت	برطانوی ہند پاکستان
عملی حیاتی
پیشہ	گلو کارہ ،  شاعر
شعبۂ عمل	کافی
	IMDB پر صفحہ

زاہدہ پروین سرائیکی زبان دی مایہ ناز گائیکہ ہن۔ انہاں نے حضرت خواجہ غلام فرید رحمتہ اللہ علیہ دے کافیاں ڳائے ہن۔ زاہدہ پروین "دی نائٹنگیل" اَتے "کافی دی ملکہ" دے نان٘واں نال وی سُن٘ڄاݨی وین٘دی ہَن۔

حیاتی دا احوال

کافی دی ٻہوں وݙی آواز زاہدہ پروین دا فن دی دنیا ءِ چ ٻہوں وݙا ناں ہے۔ خواجہ فریدسئیں ؒ دی کافی کوں اوں ہک نواں تے نویکلاانگ ݙتا۔زاہدہ پروین 1925ء ءِ چ امر تسر اچ پیدا تھئی تے 1947ءِ چ تقسیم دے وقت پاکستان آ ڳئی۔ اُنہاں ٻہوں وݙے اُستاد عاشق علی دی شاگردی اختیار کیتی پر اُنہاں اُستاد توکل حسین دا رنگ اختیار کیتا۔زاہدہ پروین دا زیادہ تر قیام سرائیکی وسیب دا ہے۔ 1960ء دے عشرے دے وچ او سردار پیربخش خان مڑل دے قصبہ مڑل ءِ چ سکونت اختیار کیتی تے ہر پاسے اپݨی آواز دا جادو جگایا۔کافی گاوݨ اچ بدرو ملتانی ، عنائت بائی ڈھیر والی ، دھن پترام ، حاجی رحمان فریدی ، حیدر باندھی، سلامت علی، نزاکت علی تے حسین بخش دا اُوں ویلے ٻہوں وݙا ناں ہئی پرکافی گاوݨ ءِ چ زاہدہ پروین کوں جو کمال حاصل تھیا او کہیں ٻے کوں نہ تھی سڳیا۔زاہدہ پروین 1975ء ءِ چ صرف 50سال دی عمر ءِ چ وفات پا ڳئی۔سچی گاٖلھ اے ہے جو عمر تاں صرف 50سال ہئی پر او 50صدیاں دی فنکار ہئی ۔زاہدہ پروین دا اڄ وی ناں آوے تاں اُوندی یاد زندہ تے سلامت تھی ویندی اے ۔

فلموگرافی

سال	فلم	زبان
1949	منڈری	پنجابی
1950	انوکھی داستان	اردو
1951	بلو	پنجابی
1953	برکھا	اردو
1953	شہریار بابو	پنجابی
1955	پٹن	پنجابی
1956	مورنی	پنجابی
1956	دولا بھٹی	پنجابی
1957	واداہ	اردو
1957	یاکے والی	پنجابی
1958	بیگنہا	اردو
1958	جن بہار	اردو
1958	دربار	اردو
1959	باچا جمورا	پنجابی
1964	باپ کا باپ	اردو
1965	دل کے ٹکڑے	اردو