ریحامزدگی

کتاب زندگی دی ساتھی هے پر اتھاں مسئله اے هے جو اے کتاب لکھی وی زندگی دی ساتھی هے ت ایں ساتھی ساتھی دے ساتھی دا ذکر وی نی چھوڑیا.حالانکه جڈاں دا نصاب فری تھۓ لوگیں کتاباں گھننڑ چھوڑ ڈتن لیکن لگدے اے کتاب عمران خان دے ورلڈ کپ دا ریکارڈ وی تروڑ ڈیسی.جبکه عمران خان اجکل هک چیز توں بهوں ڈردے ت او هے کتاب بھانویں ریحام دی هووے یا فضل الرحمن دی.میں حریان هاں نجومی آکھیا ها پیرنی دے بعد خوشیاں هی خوشیاں موجاں هی موجاں... پر اتھاں تاں کتاباں خواب اچ آن ڈریندین....اے تاں حالی دنیاں دا کتاباں هن خان صاحب... جیهڑی تربیت تساں ورکرز دی کیتی وینے وے اگلے جهان دی کتاب توں ڈرو. تنویر بزدار مسئله پچھے جو اے کتاب پڑھنڑ نال روزه تاں نی ترٹدا اگو هک دوست طاهر القادری دے ریفرنس نال جواب ڈتے اکھیں بند کر تے پڑھ سگدے وے.هنڑ اوکوں کون ڈساوے جو اے کم تاں خالص عمران خان دا هے ڈٹھا نیوهے اکھیں بند کر کے هر اوں بندے کوں پی ٹی آئ اچ واڑی آندن جیندے خلاف انصاف دی تحریک شروع کیتی هانے.

پته نی پی ٹی آئ کوں یو ٹرن آلی جماعت کیوں آکھیا ویندے لیکن سنڑنڑ اچ آۓ جو ریحام لکھۓ خانصاحب اکثر میکوں یو ٹرن گھننڑ ت وی مجبور کر ڈیندے هن.لکھی پڑھی تے پڑھی لکھی زنانی اچ ایهو فرق هے جیهڑا ریحام تے پی ٹی آئ ورکر دی زنانی اچ هے.کجھ ورکر تاں صرف ات لو خوش هن جو انهیں دی زنانی پڑھی لکھی هوئ کاۓنی لکھی پڑھی هوئ وت وی چل ویسی.