ریاض عارف
اصل ناں ریاض حسین
قلمی ناں ریاض عارف ؔ
جمن 1971ء
تعلیم ایف اے
پیشہ آرٹسٹ
فون نمبر 03136248313
جاہ پتہ ریاض عارف پنٹرز اینڈ آرٹسٹ چوک قریشی تحصیل و ضلع مظفر گڑھ
غزل
[لکھو | ماخذ وچ تبدیلی کرو]دردِ دل دی دوا کریسو چا تھی سگے تاں بھلا کریسو چا
بے وفائی دے نہ ملن طعنے التجاء ہے وفا کریسو چا
زندگی دا قرار بن گئے وے رسمِ اُلفت ادا کریسو چا
دل دے اندھے وی سوجھلا ڈیکھن خود کوں جلوہ نما کریسو چا
یاد بھلدی نہ بھل ونجے عارفؔ زخم دل تے ولا کریسو چا
غزل
[لکھو | ماخذ وچ تبدیلی کرو]وچھوڑے دان تھیندے ہن ہمیشہ
ایہے احسان تھیندے ہن ہمیشہ
محبت ،خواب،بے تابی ،تمنا
بہوں وجدان تھیندے ہن ہمیشہ
اے قطرے قیمتی ہن جاندا ہیں؟
ایہے طوفان تھیندے ہن ہمیشہ
جتھاں ڈو جُز انا تے اڑ ونجن تاں
اُتھاں نقصان تھیندے ہن ہمیشہ
نشانہ ڈیکھ عارفؔ اوں نظر دا
خطا اوسان تھیندے ہن ہمیشہ
٭٭٭