ریاض حسین ارم

اصل ناں    ریاض حسین

تخلص       ارمؔ

جٖمنْ        1960ء

جاہ پتہ       چکنمبر8/Vڈاکخانہ9/Vتحصیل و ضلع خانیوال

ریاض ارمؔ خوبصورت جھنگوی لہجے دے شاعر ہن ڈٖوہڑے دے حوالے نال انہاں دا ہک خاص مقام ہے۔غزل وی بٖہوں سوہنْی لکھدن۔ریاض حسین ارم سرائیکی زبان دا شاعر ہے۔ کبیروالا دی رہوݨ آلا ہے۔١٦ مارچ ١٩٦٠ کوں ڄمے۔

کتاباں

• درداں دیاں پٹیاں

نمونہ کلام

غزل

آ نکلیں جے دل تے آوی گھر میڈٖا کئی دور تاں نئیں

طالب ہاں دیدار تیڈٖے دا ایں توں ڈھیر قصور تاں نئیں

واہ او دلبر کی میں آکھاں روگٖ اولڑا لایا ہئی

میں روواں تے توں خوش تھیویںپر اے گٖل منظور تاں نئیں

لکھ سمجھایا کجھ نہ سمجھیوںوت وی شکوے میڈٖے ہن

کچے دھاگٖے وانگ تُڑیوے سنگت دا دستور تاں نئیں

من بھاندے توں گیت ہیں گانداونجٖ کے چن صحرانواں وچ

ہک ہتھ نال جے وجٖے تاڑی آندا یار سرور تاں نئیں

ارمؔ ڈٖکھاں دی سیجھ تے پل کے وت وی رکھیاں تانگھاں ہن

ڈٖیکھیں میڈٖے پیار دا شیشہ تھی گٖیا سانول چور تاں نئیں