روزمرہ، محاورہ تے اکھاݨ

روزمرہ محاورہ اکھاݨ ضرب المثل دی تعریف تے انہاں وچ فرق

روز مرہ:

اہل زبان دا مخصوص اسلوب ، مثلا "میں ݙو منٹ وچ آنداں" دی جاہ تے کوئی "میں ترائے منٹ وچ آنداں" آکھے تاں ایہ روز مرہ دے خلاف ہوسی بھان٘ویں اوں آوݨاں ترائے منٹ وچ ہی ہووے۔

محاورہ:

او مرکب مصدر تے اوندے نال بݨݨ آلے افعال تے اسماء جہڑے آپݨے حقیقی معنی وچ نہ ورتیجݨ ، جیویں "گرمی مار ݙتے" ، مار ݙیوݨ محاورہ ہے۔

اکھاݨ تے ضرب المثل :

او مرکب جہڑا کہیں خاص واقعے آلے پاسے اشارہ کرے یا کہیں مشہور جملے یا شعر دا حصہ ہو وے، جیویں: انگور کھٹے ہن ، نک نہ ناساں ادھ وچ ٻہساں۔

روزمرہ وچ محاورے تے اکھاݨ وی شامل ہن۔ محاورے تے اکھاݨ دا تعلق استعمالِ اہل زبان نال ہے ، جبکہ محاورہ قابل تبدیل ہوندا ہے تے اکھاݨ وچ کوئی وی تبدیلی کائنی ہوندی۔