رنگ فریدؒ

رنگ فریدؒ خواجہ غلام فریدؒ دے کلام دا موضوعاتی انتخاب انتخاب، ترتیب و ترجمہ ڈاکٹر عصمت ﷲ شاہ صاحب اے کتاب 2022 دے وچ خواجہ غلام فریدؒ چئیر دے زیر اہتمام شائع تھئی ہےـ کتاب دا مقصد ایں عظیم صوفی بزرگ دے کلام کوں آسان کر کے انھاں لوکاں تئیں پچاوݨاں ڄیرے سرائیکی زبان کوں گھٹ سمجھیندے ہن یا ول بلکل نیں سمجھیندےـ اے کتاب ١٢ عنواناں تے مشتمل ہےـ

پہلا عنوان

اس عنوان اچ انھاں اشعار دا انتخاب کیتا ڳیا ہے ڄیندے وچ خواجہ غلام فریدؒ آپݨے مالک و محبوبِ حقیقی دے سہرے ڳاندے ہن ـ

ݙوجھا عنوان

اس عنوان دے وچ عشقِ رسول صلی ﷲ علیہ وسلم دے کول بھرپور اشعار منتخب کیتے ڳئے ہن ـ

تریجھا عنوان

او اشعار اکٹھے کیتے ڳئے ہن ڄیندے وچ خواجہ صاحب آپݨے مرشد کریم نال عقیدت دا اظہار کریندے ہن ـ

چوتھا عنوان

رعنائی عشق دے ناں نال عنوان ٻدھا ڳیا ہےـ درد، فراق، تڑپ تے ݙکھاں دی گالھ کیتی ڳئی ہےـ

پنڄواں عنوان

خواجہ صاحب دا او کلام ڄیندے وچ دنیاں کوں ہر دم اس ذات نال تعلق استوار کرݨاں ہے ڄیندے جلوے کائنات دی ہر شئے چوں ݙسدے ہن ـ

چھینواں عنوان

ایں کلام اچ انسان دی عظمت تے انسان کوں آپݨے آپ دی پہچاݨ دا درس ݙتا ڳیا ہے کہ انسان کوں ﷲ پاک ٻہوں سوہݨاں بݨایا ہےـ

ستواں عنوان

او کلام ڄیندے وچ امید، وسیب نال محبت، محرومیاں تے قابو پاوݨ تے وسیب دے رنگاں دی گالھ کیتی ڳئی ہےـ

اٹھواں عنوان

ایں عنوان دے تحت او اشعار جمع کیتے ڳئے ہن ڄیندے وچ وعظ و نصیحت تے لوکاں دی اصلاح دی گالھ کیتی ڳئی ہےـ

نانواں عنوان

او کلام ڄیرے دے وچ محبوب دے وچھوڑے، ہجر تے فراق دا اظہار کیتا ڳیا ہےـ آپݨے محبوب کوں ارداساں پیش کیتیاں ڳئیاں ہن ـ

ݙاہواں عنوان

ایں عنوان اچ اوں محبوب حقیقی کوں ہر دم دل اچ وساوݨ دی گالھ کیتی ڳئی ہےـ

یارہواں عنوان

ایں عنوان اچ روہی، روہی دے وݨ، ٹوبھے، ٹبے، تھل، ٻیٹ، جنگل، ٻیلے، ساول، پیلوں، تے وسیب نال محبت دے اشعار دا انتخاب کیتا ڳیا ہےـ

بارہواں عنوان

اے سارا عنوان ونکو ونک دے موضوعات تے مشتمل ہےـ