رشتے داریں نال صلہ رحمی

رشتے داریں نال صلہ رحمی سارے رشتے داریں نال چنڳائیاں کرݨیاں چہیدیاں ہن حضرت سیدنا عاصم رضی اللہ تعالیٰ عنہ فرمیندن:جیں کوں اے پسند ہووے جو اوندی عمرا دراض ہووے،رزق اچ ودھارا ہووے اتے بری موت نہ آوس تاں او اللہ سئیں کولوں ݙردا رہوے اتے رشتے داریں نال چنڳا سلوک کرے (المستدرک حدیث 7362)

نبی کریم صلی اللہ علیہ وسلم ارشاد فرمیندن:

رشتے تروڑݨ آلا جنت اچ نہ ویسی (بخاری حدیث 5984)

صلہ رحم دے معنی: بہار شریعت حصہ 16 صفحہ 201 توں 203 تے ہے صلہ رحم دے معنی رشتیں کوں جوڑݨ ہن یعنی رشتے داریں نال نیکی اتے (چنڳاں) سلوک کرݨا ساری امت دا ایندے اُتے اتفاق ہے جو صلہ رحمی واجب اتے قطع رِحم(رشتہ تروڑݨ) حرام ہے

کیہڑے کیہڑے رشتے داریں نال صلہ رحمی واجب ہے ؟ ذو رحم(محرم ہوون یا نہ ہوون) نال صلہ رحمی واجب ہے رشتیں اچ جیویں فرق ہے اونویں ہی صلہ رحمی دا واجب ہووݨ اچ فرق ہے سب توں پہلے ما پئیو ولا ذو رحم محرم(جیندے نال نکاح حرام ہے) ولا باقی رشتے داریں دا حق ہے