راول گھنجیڑا

راول گھنجیڑا میانوالی نال تعلق رکھݨ والے ہک ترقی پسند دانشور ہن جنہاں دیاں سرائیکی قومیتی تحریک وچ اہم خدمات ہن. سرائیکی تحریک واسطے میانوالی ضلعے وچ انہاں دے کاوشاں قابلِ قدر ہن. تاج لنگاہ مرحوم نال ہمیشہ منسلک ریہے تے انہاں دی زیرِ سرپرستی اپݨے کم کوں ٹوردے ریہے. انہاں دے کافی سرائیکی آرٹیکل وی سوشل میڈیا تے موجود ہن جنہاں وچوں کجھ حسبِ ذیل ہن: -

ہینڑیاں دے کہڑے جواب ہن

معظم خان ہاتھی خیل روکھڑی دا راہوݨ آلا ہائی ،جس دی ساری زندگی چوریاں،ݙاکے تے گندے کم کریندیاں گزری۔او ڄݙاں ٻݙھا تھی ڳیا تاں منجی تے پیا رہندا ہائی تے نالے کھنڳدا رہندا ہا۔رمضان تے روزے آئے تاں ہک ݙینہ اس دی ڄنݨری اس نوں آکھیا۔۔۔! وے بھیڑا معظم ۔۔۔۔ ساری زندگی ڄو گندے کم کریندا رہیاں تے ہݨ تاں کوئی نماز روزہ کیتا چا کر ڄو اڳلے جہان خدا نوں کہ جواب ݙیسیں؟۔۔۔۔۔۔معظم خان ٹھڈا ساہ وی بھریا تے نالے آکھییوس۔۔۔۔۔اوہ کملی رن ہیڑیاں دے کہڑے ڄواب ہن۔۔۔۔۔۔۔۔۔۔۔۔؟(ہک شارٹ سٹوری)

دریا نال ہک جھیڑا

"وسوں" روز مال چھڑیندی ہا تے دریا سندھ دی مݨ تے ٻے کے ݙنڳراں دا خیال رکھیندی ہاتے اے اس دا روز دا معمول ہا پیا۔ہک ݙینہ اوں دا ہک ٻال دریا اچ دھاوݨ لڳا تاں بݙ کے مر ڳیا،وسوں کوں اس دے ٻال دی لاش وی نہ مل سڳی۔وسوں نوں اپݨے ٻال دے دریا اچ بݙ کے مرݨ دا ݙکھ ساری زندگی نہ ڳیا۔ وسوں روز مال گھن کے آوے تے دریا دی مݨ دے ٻا ونڄیں،دریا دے پاݨی کوں ݙیدھی راوے۔پاݨی دیاں لہراں آون ،دریا دی مݨ نال ٹکراون تے مٹی پاݨی اچ ݙھا پووے تے نالے" ڈابک"دی آواز آوے۔"ڄوں ڈابک "دی آواز آوے وسوں اڳوں آکھے" ڈابک تیݙی ما ڈابک تیݙا پیئو"وسوں روز ساجھری ایلے توں گھن کے شام تک دریا نال اے جھیڑا لائی رکھیندے ہا تے دادریا نال اس دا اے جھیڑا اس ویلے تک چلدا رہیا جݙاں تک او ݙنڳر چریندی رہی ہا( ہک لوک شارٹ سٹوری)

صابر عطاء دے بارے وچ

سائیں صابر عطا ہک منجھے ہوئے لکھاری ہن تے انہاں دے مضامین مختلف اخبارات اچ چھپدے رہندن، پر اس توں زیادہ وہ سنگتیاںیاں تے سنگتی ہن تےاساݙے او ٻہوں پراݨے جگردار،مینوں نئیں یاد ڄو انہاں کݙاں وی کہں سجݨ دی کنݙ لکھݨ ݙتی ہووے،میݙیاں انہاں نال چوک اعظم اچ ٻہوں ملاقاتاں تھیندیاں ریاں ہن۔مینوں یاد ہے ڄو اساں چوک اعظم دے ،چوک اچ تے کئی ݙوجھیاں جھائیں تے چاہ دی پیالی ،کھانݨے تے مختلف پروگراماں اچ سرائیکی تحریک ،سرائیکی لکھاریاں، ادب و صحافت تے ݙوجھے موضوعات گھنٹوں ڳلاں کریندے رہے تے انہاں توں مستفید تھیندے رہےپر ہر ملاقات ادھوری رہی،ہر واری سوچیا ڄو انہاں نال ول ملسوں تے ہور سکھسوں۔۔۔۔۔۔اج انہاں ہک ٻہوں پراݨی تصویر اپݨے رائت اپ نال پوسٹ کیتی ہے ،میݙا دل تھیندا پیا ڄو مارکے نال ورتائی انڄیں۔

افضل عاجز بارے

ساتھیو ۔ݙو تراہ ݙیہنہ پہلے افضل عاجز دے بارے لکھا ہم تے نال اے ݙسیا ہم ڄو میکوں انہاں نال ہمیشہ اے گلہ رہیا ڄو انہاں مزاحمتی شاعری چھوڑ کے تھل دے غریب سراءیکاں کوں کلہہ چھوڑ ݙتا ہے ۔ افضل عاجز ہن گیت ،نغمہ تے کمپوزنگ ول نکل ڳے ہن تے تھل دی مزاحمتی آوازوݙے شہراں دے شور اچ ڳم تھی ڳءی ہے ۔میݙی کوشت ہوندی ہے ڄو پڑاݨا افضل عاجز توھاݙے سامݨے پیش کریندا راہوں تان ڄو اساں اپݨے آپ کوں کلہہ نہ سمڄھوں،نال عاجز کوں احساس ݙیویندے راہوں جو اساں ،اس افضل عاجز کون نیں بھلے ڄہڑا اساݙے ݙکھاں تے درداں دا درمان ہا تے اساݙے جذبات نال کت کتاڑیاں کریندا ہا،اساݙے وچ وسدا تے ہسدا ہا نال اساݙے جذبات دی ترجمانی وی کریندا ہا۔۔۔انہاں دا ہک ہور شعر پیش کرݨ دی اجازت گھنساں۔۔۔۔۔

بکھ تے ݙکھ توں ڄہڑے ݙیہنہ فرصت مل ونڄیں

تیݙے ناں دے ݙھڑے ماہیے ڳا گھندے ہاں.