دیپا مریم

دیپا مریم (ڄَمَّݨ دی تَرِیخ: اپریل 1981ء) ݙَکھݨ ہندوستانی فِلماں دی پِچھوکڑ اَواز گائیکا ہَن۔ اِنّھاں دی پہلی فِلم نان اونویلئی ہئی۔ دیپا نے تامل فلم سُبرامنیم پورم دے گیت کنگال ایراندال تُوں مہان٘در حاصل کِیتی۔

ذاتی حیاتی اَتے فلمی حیاتی

دیپا متحدہ عرب امارات وِچ ہِک ملیالی کرسٹیائی ٹَٻَّر وِچ ڄَمّی۔ اِیں نے ٻہوں نِکّی عُمر وِچ اِی ڳاوݨ دا اَغاز کِیتا۔ سَت سال دی عُمر تُوں اِی کارناٹک موسیقی دی تربیّت حاصل کِیت۔ اُنّھاں نے ہَولی موسیقی، اَدھ کلاسیکی اَتے کلاسیکی ونکیاں وِچ ڳاوݨ دے مقابلیاں وِچ پہلی حیثیّت حاصل کِیتی اَتے سکول دے دور تُوں اِی اِیں ویلے دے کیرالہ دے ڳائیکاں دے نال ٻہوں سارے براہِ راست موسیقی دے پروگرام پیش کِیتے ہَن۔ دیپا نے ٻارھویں دے بورڈ دا امتحان امتیازی حیثیّت نال پاس کِیتا۔ اِنّھاں نے آپݨی بی ٹیک دی ڈگری حاصل کِیتی۔ ماڈل انجینئرنگ کالج تھریکاکارا کیرالہ تُوں الیکٹرانکس اَتے ٹیلی مواصلات انجینئرنگ وِچ ڈگری حاصل کِیتی۔ یارھاں سال دی عُمر وِچ اِنّھاں کُوں راس الخیمہ ریڈیو دے زیرِ اہتمام ہِک مقابلے وِچ حِصّہ گِھنَّݨ دے بعد متحدہ عرب امارات دی سبھ تُوں چنڳی ٻال ڳائیکا قرار ݙِتّا ڳیا۔ اِنّھاں نے ١٢ سال دی عُمر وِچ آپݨے پہلے عیسائی عقیدت مند البم واشواسانتی وِچ ڳایا ہئی۔ البم ہِک سُپر ہِٹ فِلم ہئی۔ دُنیا نے ملیالم، ہندی، تامل، تیلگو، کنڑا، انگریزی اَتے عربی ٻولیاں وِچ چالہِیہ تُوں وَدھ نجی البمز وِچ ڳییت ڳائے۔

اِنّھاں نے ہندوستانی موسیقی اَتے مغربی موسیقی اَتے لَہن٘دا دی موسیقی دی تربیّت حاصل کِیتی ہِے۔ اُوہ کُجھ عرصہ کِیتے ریاست ہائے متحدّہ امریکہ (شکاگو اَتے نیو جرسی) وِچ رِیہی۔ دیپا دی پہلی فلم نان انیلئی ہئی جِتّھاں اِنّھاں نے وَل کڑڈیچا نیلو کُوں ڳایا ہئی۔ اُݙّݨ تُوں اُوہ ہندوستانی فلمی صنعت وِچ ٻہوں سارے منصوبیاں وِچ رَلّے رہی ہِے۔ کنگل ایرندال، اِیہ ڳاݨاں جِیڑھا اُنّھاں نے تامل فلم سبرامنیم پورم (2008ء) وِچ ڳایا ہئی اِیکُوں پورے پچادھی ہندوستان وِچ ٻہوں مہان٘در مِلّی۔ اَتے اِنّھاں نے سبھ تُوں چنڳی تِرِیمت پِچھوکڑ اَواز ڳائیکا کِیتے ٻہوں سارے اِنام جِتّے ہِن۔ اِنّھاں نے کارٹیک راجہ دی بݨائی ڳئی ریٹائی سوزی فِلم، پارا پارا کلی (2010ء) وِچ موسیقی وِچ وی ہِک ڳاݨاں ڳایا ہئی۔

اِنامات

• 2008 وِچ سبھ تُوں چنڳّی پِچھوکڑ ڳائیکا - فلم فیئر ایوارڈ
• 2009ء وِچ تامل ناڈو سینما دی طرفُوں سبھ تُوں چنڳی پچھوکڑ اَواز ڳائیکا دا ایوارڈ
• 2010 وِچ تامل ناڈو سینما دی طرفُوں سبھ تُوں چنڳی پِچھوکڑ ڳائیکا ایوارڈ