دیوار چین

یسوع مسیح دی پیدائش توں تقریباً ݙو سو سال پہلے چین دے بادشاہ چن شی ہوانگ نے اپݨے ملک کوں دشمناں دے حملیاں توں محفوظ کرݨ کیتے شمالی سرحد تے ہک دیوار بݨاوݨ دی خواہش کیتی۔ اوں دیوار دی ابتدا چین تے منچوکو دی سرحد دے کولوں کیتی ڳئی۔ چین دے دشمن اوں زمانے اچ ہن تے تاتار ہن جیہڑے وسط ایشیا اچ کافی طاقتور سمجھے ویندے ہن۔ ایہ دیوار خلیج لیاؤتنگ توں منگولیا تے تبت ڈے سرحدی علاقے تک پھیلی ہوئی ہے۔ ایندی لمبائی تقریباً پندرہ سو میل ہے۔ تے ایہ ویہہ توں گھن کے تریہہ فٹ تک اچی ہے۔ چوڑائی تلوں پنجیہہ فٹ تے اتوں ٻارہاں فٹ دے قریب ہے۔ ہر ݙو سو گز دے فاصلے تے پہریداراں کیتے مضبوط پناہ گاہواں بݨے ہوئے ہن۔