دینا واڈیا
دینا واڈیا (15 اگست 1919 – 2 نومبر 2017) بانیٔ پاکستان قائد اعظم محمد علی جناح تے مریم جناح دی دھی تے کلھی اولاد ہئی۔ دینا دی ما دا تعلق ممبئی دے ݙو اعلیٰ خانداناں پیٹت برونیٹس تے ٹاٹا خاندان نال ہا۔ 1938ء اچ دینا نے مشہور صنعت کار نیولی واڈیا دے نال شادی کر گھدی، نیولی واڈیا ممتازواڈیا خاندان کنوں ہا، البتہ، شادی زیادہ عرصہ نہ چلی تے 1943ء اچ طلاق تھی گئی۔
ابتدائی زندگی و پس منظر[لکھو | ماخذ وچ تبدیلی کرو]
دینا 14-15 اگست، 1919ء دی درمیانی رات لندن اچ بانئ پاکستان محمد علی جناح تے انہاں دی ݙوجھی بیوی مریم جناح دے ہاں ڄمی۔ مریم جناح 1929ء اچ صرف 29 سال دی عمر اچ وفات پا گئیں۔ اوں وقت دینا جناح دی عمر صرف ݙاہ سال ہئی۔ جناح اپݨی اکلوتی دھی نال ٻہوں پیار کریندے ہن۔ انہاں نے اپݨی بھیݨ فاطمہ جناح کوں اے ذمہ داری ݙتی جو او دینا دی اسلامی تعلیم و تربیت دا بندوبست کرن۔ دینا کوں قرآن پڑھاوݨ دا اہتمام وی کیتا ڳیا۔ محترمہ فاطمہ جناح وی سیاسی سرگرمیاں اچ مصروف رہݨ لڳیں تہوں دینا جناح اپݨے پارسی ننھیال دے زیادہ قریب تھی ڳئی۔ ایں دوران دینا، محمد علی جناح دی مرضی دے خلاف ہک پارسی نوجوان نیول واڈیا دے نال شادی کر گھدی۔ جو کامیاب ثابت نہ تھئی۔ تے پنجھ سال بعد طلاق تھی ڳئی۔
وفات[لکھو | ماخذ وچ تبدیلی کرو]
دینا واڈیا 2 نومبر 2017ء کوں 98 برس دی عمر اچ نیویارک اچ انتقال کرگئیں۔