دشمن زندہ باد (ہک انشائیہ)
مسلمان دا اثاثہ کلمہ ہے ایں کلمے دا کمال ھا کہ امیر فقیر دیس پردیس آلیں لوکیں کوں ہکی تسبیح دے دھاگے ءچ سجا کھڑائس ،دشمن ایں تسبیح کوں تروڑ نہ سگدا ھا اوں جڈاں تسبیح دے بارے غلط سوچے تسبیح دے ساریں دانڑیں رل کے اوکوں او سبق سکھائے کہ قیصر و کسرا دے محل پیریں ءچ ھن،پچھیں دشمن چال چلی ھے چلو تسبیح تروڑ نسے سگدے کیوں نہ ایندے دانڑیں ءچ رنگ برنگے دانڑے پاء ڈتے ونجن کلھ کوں ایھے دانڑے ہک ڈوجھیں نال جڈاں ٹکراسن وت نتیجہ کجھ بیاء نکلسی.
انھیں دی سوچ صیح ثابت تھئ اج اوھے دانڑے ہک ڈوجھے دیاں گردناں لہیندے کھڑئن دشمن دانڑیں دا رنگ وٹیندا آندے تماشہ ڈیھدا آندے ، اج دے جدید دور ءچ میڈیا دا اھم کردار ھے جی ھا جیرھا دشمن دا آلہ کار ھے جیکوں دشمن بہوں سوھنڑاں استعمال کیتے اوں پورا زور لئے جڈاں ڈیٹھس کہ اے لوگ ہک عام جھئیں مولوی کوں ایجڈی عزت ڈیندن اوندی گال تیں مرنڑ مارنڑ تیں تُل ویندن کیوں نہ انھیں ءچ کجھ انھیں مولویں دی شکل ءچ آپڑیں بندے شامل کرکے نواں تماشہ ڈیٹھا ونجے اوں تماشے اینجھا تماشہ بنڑائے اج ہک ڈوجھے کوں سلام نسے کر سگدے ، جیرھے اصل مولوی ہن جنھیں ہر ویلھے قربانیاں ڈے کے دین کوں بچائے جیرھے اصل وارث ہن انبیاء دے او سر درد ہن دشمن دے اُنھیں میڈیا دے زریعے اُنھیں کوں دھشت گرد امن دشمن دے ٹھپے لوا کے عوام دے سامنڑے ولا کھڑائے پچھیں اگلا کم عوام دا ھا اُنھیں دشمن کنیں وڈا کم کیتے.
بس اگلا وار مولا و آقا نبی کریم دی ذات ھے اوندی محبت دل ءچو کڈھنڑی ھے جئیندے اُتیں کم زور شور نال جاری ھےشالا کامیاب نہ تھیوے عوام دا مولویں نال سلوک ڈیکھ کے ڈر وڈا لگدے کیوں جو اگر مُلک ترورنڑاں ھووے فوج دی مخالفت عوام ءچ گھت ڈیو اگر دین ترورنڑاں ھووے علماء دی مخالفت شروع کر ڈیوو ،،،شیخ عبدالقادر جیلانی رحمت اللہ علیہ فرمیندے ہن جیرھا کہیں عالم دین دی توھین کریندے اُو آپڑیں ماء کنیں حلالی ھوونڑ دا ثبوت گھنے. جمیل حیدری،،،،